Pajenn:Ar Prat - Mouez Reier Plougastell, 1905.djvu/38

Eus Wikimammenn
Adlennet eo bet ar bajenn-mañ
22
mouez reier plougastell


13

Fellout ra d’in e Breiz-Izel
Beva gwir Vreizad ha mervel.

14

Ha beteg penn me labouro
Evit va Breiz, evit va bro.

15

M’am bezo gand ar C’halloudek
Gopr an dud vad ha kalounek.


————


III


HIRVOUDOU HA PEDEN

——


D’ar barz Taldir.


Va c’halounik ennhon a zo oll ankeniet,
Pa welan Breiz-Izel, va bro muia karet.
Gwall gaset gand tud fall enebourien peb mad…
O Doue, pebeuz kalounad !

Hag e klaskont taga gand kalz hardiziegez,
Pez zo gwella e Breiz : He c’hiziou hag he yez,
Evit mouga easoc’h feiz krenv an Arvoriad…
O Doue, pebeuz kalounad !