11
maro franseza e plougastell
|
Pa zistroan da Gerzadiou,
Eur veachik an amzer hebken,
E tigouez d’in goulen kelou
Euz tud ha na velin mui ken....
Siouaz ! an Ankou didruez
A sko, a sko da bep mare....
Va moereb n’eo mui e buez
Kalz mignouned maro ive !…
|
————
V
MARO FRANSEZA E PLOUGASTELL
——
Marteze, Breiziz, e kredit
Ez oa Franseza eur brinsez ;
Va mignouned, fazia rit,
Rak n’oa nemed eur goueriadez.
Kement he deveuz va c’haret,
Ar voereb ker, en he buez
M’eo diez d’in hel lavaret :
Setu gwerz va zristidigez :
|
