Adlennet eo bet ar bajenn-mañ
3
mouez reier plougastell
O vonet d’ar bokedou, ho c’hlevet o richan !
Var gerrek braz Plougastell e kaver ar bleun aour,
Boked hirbad Breiz-Izel, boked liorz ar paour ;
Al lann melen, ar balan, ar bruk ruz a ziouan
Var gerrek braz Plougastell anezho ho-unan.
Da zeiz ar pardon brudet e sant Iann Plougastell
Koz ha iaouank Kerzadiou a red var an huel,
Beteg kern Roc’h-ar-Measiou evit gwelet ar ster
Goloet oll a vagou o vont varzu ar ger.
Pet gwech em euz evet var gerrek ar Measiou
Ear iac’huz ar ster goant a walc’h mein hon aochou !
Divar Roc’h-Nivelen an dudiusa sell
Var Vrest ha var ar porz, var barrez Plougastell !
Eno an den a zo ’vel pa larfen mezo,
