DISKAN
Me ya en-dro,
Dizoursi bras ha dinec’h,
Me ya en-dro,
Dizoursi bras ha dinec’h,
Ato !
Abredik diouz ar mintin, da zeiz heur pe dre eno,
Da zeiz heur pe dre eno,
’Teu va mamm da hopal : Alo, Yannig, war zao !
Siouaz ! dre bep seurt amzer, heol bero, avel pe erc’h,
Heol bero, avel pe erc’h,
Me rank bale dillo, hep goulen va dilerc’h.
Pa ’z an en hent d’an hanvou me glev son an alc’houeder,
Me glev son an alc’houeder,
Ha ’veltan e kanan meuleudi d’am C’hrouer.
A-wechou ken dizeblant, pa vez an heol o tomma,
Pa vez an heol o tomma,
Tigouez ganen dale er c’hoad da neizeta.
N’em beus ket a horolaj, hag an amzer ne c’hed ket,
Hag an amzer ne c’hed ket,
Rak-se ven divezat ha siouaz, kastizet !
Er goanv, war al lenn skornet, gant va mignon Kolaig,
Gant va mignon Kolaig,
Me gar ober nousped abaden risklaig.
Na diegi ’m eus goude ’kregi em leoriou studi,
’Kregi em leoriou studi,
Fidandoustik, me lar, ze n’eo ket eun dudi !
Koulskoude eo red poania, ya poania da labourat,
Ya poania da labourat,
Ma vezin eun dervez meurbed barrek em stad.
O lezel ar ganaouen, deomp adarre d’al labour,
Deomp adarre d’al labour,
Magadur ar spered, pinvidigez ar paour,
