Adlennet eo bet ar bajenn-mañ
— 80 —
ANDOCH, d’ar Bobl.
Chanz am eus evelkent ! Santet em oa ar c’houez !
OLMERIG, izel.
Ro peoc’h, den digalon !
ARZUR
Fizianz am eus en ho talvoudegez. Bezit sentus ouz ho mistri, hep krisder goude ar gounid, pa gemerot madou ar c’hastell ; setu ar pez a c’houlennan digant ho mignouniach hag ho vailhantiz.
OLMERIG
Kontit warnomp holl, aotrou.
AR ZOUDARDED
Ya, ya !
PEVARE DIVIZ
An hevelep re, HERVE a LEON, GUIOMAR, ROHAN, LOHEAG, ar BARZ, DIJENTILED.
ROHAN, o poursu eur gaoz boulc’het.
Hag eo tec’het eus a dre ho taouarn ?…
AR BARZ
Evel sur zilien… (O velet Arzur). A ! va Aotrou, salud d’eoc’h !
(An Dijentiled-all a zalud ive o stoui o fenn.)
