Adlennet eo bet ar bajenn-mañ
TREDE ARVEST
(Doare an teatr : Kamb pe Dachen-ziskwiz Arzur dirak Mirebo. Er goueled, telten Arzur gant eun nor a ve gallet da zigeri. A-gleiz hag a-zeou, teltennou henvel oc’h re Arzur, evit an dijentiled. Eun tammig e weler ivez er goueled teltennou ar zoudarded, hag, er pellder, eul loden eus kastell Mirebo. Pardaez eo.)
————
KENTA DIVIZ
Ar c’habiten OLMERIG, SOUDARDED a VREIZ-IZEL.
(Pa zaver ar ridoch, bandennadou soudarded, lod azezet,
lod-all en o zav, dirak taoliou savet gant hast, ha n’eus
for penaoz, a echu da goania.)
OLMERIG
Alo, kamaraded, bezomp laouen ! setu ni ar vistri e Mirebo ! Evomp !
HOLL
Ya ! ya ! da eva ! da eva !…
- (Eva reont.)
OLMERIG
Mardazero ! Tenn eo bet an abaden ! Sec’hed am boa.
