Adlennet eo bet ar bajenn-mañ
— 63 —
FILIP
Mad ! Lenn a ra a voue izel.
(An dijentiled a ra kelc’h en-dro d’Arzur oc’h ober d’ezan o
gourc’hemennou. Ar skouederien hag an dud a vrezel a ya er-meaz.)
PEVARE DIVIZ
An hevelep tud, nemet ar skouederien hag an dud a vrezel.
LOEIZ, o tostaat.
Petra ’zo nevez, va zad ?
FILIP, oc’h astenn d’ezan ar paper.
Gwelit hoc’h-unan, va mab. (D’an dijentiled.) Lavaret a reer d’in ez eus tousmac’h e Gournê. Marteze ar re gelc’het a c’hoanta esa eur c’hrogad evit gellout dont er-meaz. Hastomp. Goude al lidou ni a dostai oc’h ar mogeriou.
LOEIZ
Mont a ran da gemenn d’ar zoudarded beza prest evit eun taol krog.
- (Tostaat a ra ouz an daol hag e skriv.)
FILIP
An dra-ze eo ! Ra vezo pourchaset va armou ! An taol-ma, a dra-zur, a vezo talvoudus.
(Tostaat a ra oc’h an daol evit sina an urz,ha lahaat e ziell en traon.)
