Adlennet eo bet ar bajenn-mañ
— 28 —
flamm… Gwir eo an dra-ze koulskoude ! (Hag e ro e voked.)
EUR C’HENTA KOUER
N’eus ket eur paour keaz ha n’en defe eur garantez virvidik hag eun doujanz vras evidoc’h, hon aotrou dug !
ARZUR
Bennoz Doue, tud vad ! Bennoz Doue !… (Boked.)
EIL KOUER, o tostaat.
A ! hon aotrou karadek ! N’em eus kavet da zigas d’eoc’h nemet bleun melen ar balan. Kement a dud a galon a zo en hor bro evel a zo a voked er balanegou ! Hag holl e c’houzanvfent ar maro evidoc’h, a dra-zur ! (Hag e ro e voked.)
TREDE KOUER, d’e vab.
Tosta’ta, te !
AR PAOTR BIHAN
Aon am eus !…
AR C’HOUER
Aon rak petra ? ’C’heus ket ezom da gaout aon ; kas ar boked ganez, pa lavaran d’it !
ARZUR, gand madelez.
Deus, va bihanig ! n’eo ket da d’it kaout aon !
- (Pokat a ra d’ezan.)
AR C’HOUER
A ! va Jezuz benniget ! pegen eürus on ! An aotrou
