Pajenn:Ar Prat - Buez Arzur a Vreiz, 1908.djvu/149

— 147 —

KANAOUEN

war don : Ar Benherez a Geroulaz.

Pesketerien, setu an noz !
Deut ’ta d’ar porz, poent eo repoz… (an hekleo : Repoz !)
A-vrema war an treazig flour,
E kousk sioulik meurbet an dour ! (an hekleo : an dour !)

Endro d’oaled ho tiegez,
Deut d’azeza gant ho kragez ;
An tân du-ze a zo skedus,
Hag eur vouez a lar : Noz eürus !

EIL DIVIZ

ANDOCH, ALAR, ARZUR.

ARZUR, oc’h prenestr e dour.

Piou a gân war an aod dizarempredet-ma ?

ALAR

Del ! komzet en deus…

ANDOCH

E pe leac’h ? (Trei a ra war-zu an tour.) Sell !… Setu ar prizonier deuet d’e brenestr da gemeret an ear fresk.

ALAR

Pebeus liou fall an deus…! Sell ’ta, Andoch.