Kadarnaet eo bet ar bajenn-mañ
— 124 —
LYONNEL, oc’h en em gaout.
Arzur ! Arzur ! setu dizroet hor c’houlm !
ARZUR
Ar respont ! A ! ro, ro buan ; saveteet on… Netra ?
LYONNEL
Al lizer eo a glaskez ?
ARZUR
Gouzout a rez e pe leac’h, ema !
LYONNEL
Me eo am eus e gavet dindan an askel dioc’htu m’eo bet diskennet war va skoaz.
ARZUR
Ac’hanta ?… Al lizer !…
LYONNEL
N’ema ket ganen !
ARZUR
O va Doue !
LYONNEL
Gant Bertram ema brema.
ARZUR
Gant Bertram ?… O reuzeudik, petra ’c’heus great !
LYONNEL
Goude beza e lennet Bertram a zo eat gantan da gaout an aotrou Amiaz Maubre.
