Adlennet eo bet ar bajenn-mañ
— 102 —
HUBERT
A ! he anaout a rit eta ?…
ARZUR
Perak nac’h ?… Va c’hroaz eo, roet d’in pell bras a zo gant va mamm…
HUBERT
Hag ar geriou-ma : « Me eo Arzur, dug a Vreiz Izel ha roue a Vro-Zaoz, en ereou a enep pep gwir ha pep lealded », ha skrivet hoc’h eus anezo ?
ARZUR
Ya, Hubert ; daoust ha piou an deus roet deoc’h…
HUBERT
Ar re ho poa c’hoant da lakaat ouz ho kostez.
ARZUR
Sautez Barba !…
HUBERT
Doareou trubard ho poa eta ! Implija reac’h ar frankiz a lezen ganeoc’h evit esa tec’het kwit !
ARZUR
Daoust ha n’em boa ket ar gwir d’en ober ?…
HUBERT
Me, evel-se, a yoa en em garget ac’hanoc’h, ha touet em boa d’ar roue Yann war va henor !
ARZUR
War hoc’h henor ?… O ! ho mestr na c’helfe ket entent eun hevelep le…
