Adlennet eo bet ar bajenn-mañ
— 234 —
KENSKRIVADEK MARVAILLOU K. B. В.
Kontadenn wir (Pevare priz)
————
E parrez Plouguer, demdost da Geraëz, ez euz eun tiik brao, ha di e karfen mont da veva. Azezet enn draonienn, ha kuzet etouez eur bouchad gwez bodennek, an ti-ze a zo evel eun neizik leun a c’houez vad, leun a euruzded.
Al laboused ho-unan a zeblant kemer eno muioc’h a blijadur eget el leac’hiou all, rak deuz goulou-deiz beteg an noz, e frealzont kalonou an tremenourien dre ho richan dudiuz. Ar gwenann enn ho liorzik, dre o c’hrozmol ha dre ho labour, a ziskouez ez int eüruz etouez ar bokedou diwanet stank tro-war-dro.
