Pa zeu an avel da iudal,
War lein ar meneziou,
A gommans an traou da strakal,
En gweled ar iuniou ;
Nijal ra al lapoused noz,
Gant an drouz strafuillet,
Kement tra a goll ar repoz,
An holl zo ankeniet.
Neuze klever o wigourat,
Karrigel an Ankou,
Skrij ar maro, an huanad
Euz an drouk-sperejou ;
Tan a vez gwelet o strinkal
War ribl ar foziou don
Hag e touez an drubuillou fall,
Ve klemm an Anaon.
Ar c’hornandon, ar bugel noz,
Zigor o ebatou,
Hag an teuziou, hep mui gortoz,
A lamm ’barz an dansou…
Krog en o dorn, me meuz klasket,
Va eurvad er bed ma,
Va mestrezik koant dianket,
Bremaïk a vo daou vlâ.
