Ne fal quet doug armage

Eus Wikimammenn


CHAPISTR SEIHVET.


Ne fal quet doug armage.


ER verdér ne zeliant quet doug armage, nameit aveit dihuen en Ilis, pé er fé, pé ou bro, pé en dout permission.

Explication.

Tertulien en dès ræzon de laret penaus ur hrechén n’en dès anemis erbet ; rac open mé ma dihuennet doh t’ou a obér droug d’er ré n’en dès quet groeit dehou, é ma hoah ordrennet dehou gobér vad d’er-ré en dès groeit poén dehou. Patiantet ur hrechén e zeli el laquat de zoug er victoër a er-ré en anjuli, pé e ra gueu doh t’ou. Er groéz merchet ar é dal hac ar é galon én é Vadient hac ér Gonfirmation e zeli chervige dehou de cuirasse, eit hum viret doh attaqueu er fal dut, doh en anjulieu, goal gonzereah, domage pé poénieu. Mar fal d’ur hrechén quemer armeu, ean e zeli quemér er-ré e bresant sant Paul d’en ol grechénion én é lihiér d’er-ré a Éphèse : queméret, e mean, armeu en Eutru Doué, eit ma ellehait résistein en dé ag en droug revé er uirioné, hou cuirasse hac er santeleah, hou cuellan dihuen, eit ma chervigeou conzeu Doué deoh de glehan spirituel.

Deliein e rant gout e ma deit hun Salvér ar en doar de laquat er peah hac er garanté étré é serviterion, ha de ziscoein demb é teli ur hrechén carein er peah, ha col tout quêntoh eit-hi.

Rac-cé, revé hun Tad seraphiq S. Françæs, ne zouguet quet armeu a vanité, mæs hemp quin a pe vou question a zihuen er religion pé er vro. Nezé é teliant bout ardant ha courajus èl sant Loeis, ha sant Elzear hac hilleih a ré-ral. N’en dé quet neoah dihuennet d’en duchentil, na d’er soudardet, na d’er-ré e ra ur voyage dangerus, a zoug ou hlehan pé armage aral.