Mouez ar c’hleier

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Mouez ar C’hleier.

Moulerez Sant-Gwilherm, 1909  (p. 17-19)



MOUEZ AR C’HLEIER
————



\score {
  \version "2.18.2"
  \relative c'{
    \autoBeamOff
    \key f \major
    \time 6/8
    \partial 8*3
    d8 f e d4. d8 f g | \break
    a4. d,8 f e | d4. d8 f g | a4. a8 bes a | \break
    g4. c8 d c | f,4. a8 bes a | d,[ f] a g[ e] f | \break
    d4._( d'4.) \bar "|."
  }
  \addlyrics {
    Los -- ket ho mouez, kle -- ier san --
    tel, Da vont se -- der gant an a -- wel, Eur bu -- ge --
    lig, traou ho tour koant, ’Neus ne -- we -- vet ar Va -- dei --
    ant!
  }
  \layout {
    line-width = #125
    ragged-last = ##t
  }
  \midi { }
}
\header { tagline = ##f }


Losket ho mouez, kleier santel,
Da vont seder gant an awel,
Eur bugelig, ’traou ho tour koant,
’N eus newe-vet ar Vadeiant !

Kaset d’ar vro ar c’helo mat,
En eur derc’hel da vranskellat ;
Ho mouez a ray tridal sur-mad
Kalon ar vam kouls kag an tad.

O levenez eur vam gristen,
Pa glew kleier o son laouen,

O son laouen ’n o zour uhel,
Pa ve badeet he bugel !


Met brallet c’hoaz, kleier santel,
Brallet da-vat, rak me a wel,
Me a wel kazel ouz kazel
Tud faro, d’ar bourk o sevel.

O c’halono a zo karget
A levenez, a evrusted ;
Sonet kleier, ha gant ho mouez
Kresket ar joa a ren ’n o zouez !

Ha bremaïk, pa vo skoulmet
An diou vue, dre an eured,
Gret c’hoaz kordan ho mouez sklintin
Gant son ar biniou lirzin !


Perak eta, kleier santel,
Ho klewan-me, a bell-da-bell,
O son tolio, tolio kiemmus,
’Vel o ouelan, ken truezus ?

Ha ! ma sonet gant levenez,
’Wit badeiant, priedelez,
Ho peus ive, pan e ve kaon,
Da hirvoudi ’wit an Anaon.

Beure ha noz, ho mouez lenvus,
Pa ve sonetan anjeluz,
A zigas sonj da dud ar vro
Eus ineo o zud varo.


Kleier santel, ma ve kât tud
Hag o deus choant e chomfac’h mut,
Ar Vretoned n’hallfont jamez
Chom hep klewet bepret ho mouez.

Chom hep klewet ho mouez sklintin,
O son d’an noz ha d’ar mintin,
O son pa ’ve badeiancho,
O son ive ’wit eurejo.

Dalc’het kleier, hon mignoned,
Da ganan pa vo evrusted,
Ha da ouelan pa vo kanvo ;
Kleier santel, chomet ’n hon bro !

————