Ma biniou !

Eus Wikimammenn
Sauter à la navigation Sauter à la recherche
Arvorig, 1914  (p. 47-48)



MA BINIOU !
————


Les partitions musicales sont temporairement désactivées.


1.

Me eo Yann an ebad
Anavet dre ar vro
Ouz trouz e votou koat
Hag e zac’h binio. (bis.)

Diskan

O youp, youp, ge maluret,
Di gue dig lan lei !
O youp, youp, ge maluret,
Di gue dig lan la !

2.

Ma c’harg a zo uhel,
Daoust ma seblant dister ;
War douar Breiz Izel,
N’eus ket gwelloc’h micher !

3.

Evel ar gwall-amzer,
Me ’n em gav e pep lec’h,
Ha pa wel ma zac’h lêr,
Ar velkoni a dec’h…

4.

Enebour an anken,
Bourev an nec’hamant,
Karet on el lochen
Vel er palez arc’hant.

5.

« Setu Yann an ebad,
« Digoromp ha raktal ;
« Vit eur banac’h jistr mad,
« Hen a rei d’imp tridal. »


6.

En ebad, en dansou,
Me ve er penn kentan ;
Heb-on e ve kanvou
En eurejou kaeran !

7.

O son eur jabadao
Ma zad a oa maro,
Me renk bean war zao,
Pa dosto an Ankou.

8.

Ha pa vo ’us d’am fenn
Gwintret e falc’h digar,
Primoc’h evit eun tenn,
Me lampo en e garr…

9.

Ma baz war ar marc’h koz,
Ha dao gant an henchou,
Trezek ar Baradoz,
Ouz sôn ma biniou.

10.

« Dek eur eo ’me zant Per,
« Setu trên Breiz-Izel ;
« Anavout a ran skler
« Mouez sklintin e c’houitel.

11.

Neuze krogo ar varn,
Hep mar, kri ha garo,
Me stouvo ma diouskouarn
Hag em zac’h a c’houeo.

12.

O klevet ton breizad
Er bed all o tistôn,
Sent ma bro, leun a Stad,
A bedo evidon.

13.

— Deut neuze ’me Jezus,
Kemeret eur gador,
Start e kavan reüs
Sonerien an Arvor… !

O youp, youp, ge maluret,
Di gue dig tran lei !
O youp, youp, ge maluret,
Di gue dig tran la !


Koulmig Arvor