Katekiz historik/Eil Gévren - XVIII Gentel

Eus Wikimammenn
Sauter à la navigation Sauter à la recherche





TRIOUEC’HVED GENTEL.
Eûs ann trî Gourc’hémenn genta eûz ann Iliz.

Ann Iliz eo hor mamm ; ha dré-zé é tléomp senti out-hi ha miroud ar c’hourc’hémennou é deûz gréad d’é-omp évid hol lakaad da virout gwelloc’h gourc’hémennou Doué. C’houéac’h a gounteur anézhô peûrvuia.

Klev gant prédéri penn-da benn,
Bép sûl, bép goél ann oféren.
Santéla a rî ann holl c’hoéliou,
War hô héd ével ar zuliou.

Kôvez a rî hép nac’h nétrâ,
Eur wéch ar bloaz da vihana.
Korf da Zalver a geméri,
Enn amzer Bask gant prédéri.
Iun a ri ann daouzék-deisiou,
Ar c’horaiz, ar vijilou.
Da wéner kîk na zébri két,
Na da zadorn ivé nép préd.

Ar c’henta gourc’hémenn eo klevoud ann oféren. Ma na helleur két mond d’ann holl ovisou, na d’ann oferen bréd enn deisiou gwéstlet da Zoué, ann Iliz a fell d’ézhi é vé klevet da vihana eunn oféren hép kân penn-da-benn, ha gand eunn évez brâz. Ann eil gourc’hémenn eo kôvésaad hé holl béc’héjou d’hé vélek hé-unan, da vihana eur wéach ar bloaz. Dibaot eo ma tréméneur eur geid amzer hép kaoud ézomm a binijen ; hag ar ré péré goudé béza gréat péc’héjou braz na glask két distrei ouc’h Doué, na zellézont két ann hanô a Gristenien. Ann trédé gourc’hemenn eo digémérout koumunion zantel korf Jézuz-Krist da vihana eur wéach ar bloaz, é-trô goel Bask, pép-hini enn hé barréz. Né kéd jda lavarout né vé két mâd koumunia aliésoc’h, hag ann Iliz a garfé é teûfé da goumunia da béd oféren ar ré holl a zélaou anézhi. N’eur kéd dalc’héd d’ann daou c’hourc’hémenn-zé abarz ann oad a reiz, pa na helleur két c’hoaz anaoud ar mâd diouc’h ann drouk.

Goulenn. Pérâg é tléeur mirout gourc’hémennou ann Iliz. Lavar. O véza ma eo ann Iliz hor mamm. G. Livirid hé gourc’hémennou. L. Klev gant prédéri, etc. G. Pétrâ éta eo réd da ôber da zûl da vihana. L. Sélaoui ann oféren. G. Hag a-walc’h eo hé sélaoui. L. Nann, réd eo ivé pidi Doué gand évez. G. Ha réd eo kôvésaad a-wéchou. L. Ia, da vihana eur wéach ar bloaz. G. Pérak-zé. L. Évit na vorzed két ré bell er péc’hed. G. Ha réd eo koumunia aliez. L. Ia, ioul ann Iliz eo. G. Hôgen pétrâ a zô réd. L. Koumunia da vihana eur wéach ar bloaz. G. É pé amzer. L. Da Bask. G. Da bé oad é eur dalc’hed d’ann daou c’hourc'hémenn-zé. L. Pa zéraoueur anaoud ar mâd diouc’h ann drouk.