Kanaouen Potred ar Zabad

Eus Wikimammenn
Sauter à la navigation Sauter à la recherche
Société de la Presse catholique, 1900 (p. 268-271).
◄  Potred ar Zabad Kanaouen Potred ar Zabad   ►


KANAOUEN POTRED AR ZABAD


(Passe-Pied)


————


Les partitions musicales sont temporairement désactivées.


Dansomp potred,
Dansomp merc’hed,
Dansomp, fringomp, nijomp loened ! —

Dal a unan :
Prim a droad potred,
Dal a unan
Dansomp buhan ;
En em veskomp
Holl etre-z-omp,
Ken a baro al loar var’n-homp !

Ha dal a zaou :
Prim a droad potred ;
Ha dal a zaou :
Mad e za ’n traou ;
Dansal e’n noz,
Holl diaoulou koz,
Setu eno hor Baradoz !

Ha dal a dri :
Prim a droad potred ;
Ha dal a dri,
Chachomp var’n-hi ;
An noz teñval
A zo brao ral
D’heomp-ni da c’hoari, da zansal !


Dal a bevar :
Hejomp hor gar,
Prim a droad potred ;
Hejomp hor gar ;
Pa vez arneu
Da rei dour-beu,
Gant an higen pesked a deu.

Ha dal a bemp :
Prim a droad potred ;
Ha dal a bemp :
Brao ’za ganhemp ;
Meurz an evned
A ioa bepred
An deiz râl da douza deñved !

Ha dal a c’houec’h :
Prim a droad potred ;
Ha dal a c’houec’h :
Chachit ganhec’h ;
Ar c’horaïz,
Deuet var he giz,
Ne dalv netra gant he zouben piz !


Ha dal a zeiz :
Prim a droad potred ;
Ha dal a zeiz :
Guell eo kig preiz ;
Pa ve ’n deñved
Dishualet
’Vezont re ampart da gerzed !

Ha dal a eiz :
Prim a droad potred !
Ha dal a eiz :
Stardomp hor preiz
Eun droik c’hoaz,
Bihan ha braz,
Hag e chommo ganheomp ar goaz !

Ha dal a nao :
Prim a droad potred !
Ha dal a nao :
Dansomp atao,
Great eo ar stâl
Kerzomp rak-tâl
D’an ifern da echui ar bâl.