Kemeramb bah, falh, forh ha pal,
Arauk ar chetal er Vro-Gal :
Pen er roue Loeiz ou dés trohet,
Bleidi breton, hudet, hudet !
Ten, ten, ten
Kannon ha fuzulien ;
Torr é ben !
2
Deit é en ér, Breihiz, taulamp er iaù
Ar zaù !
Er goed e rid ér flangenneu,
Get er goed, ru é en henteu,
Er goed e rid ar er manne :
Goed brein er Gal miliget é !
Ten, ten, ten
Kannon ha fuzulien :
Torr é ben !
3
Deit é en ér, Breihiz, taulamb er iaù :
Ar zaù !
Laeret ou dès han frankizieu,
Losket ou dès hun ilizieu ;
Kentpèl hur habestrint eué,
Ma ne saillamb ol arnehé.
Ten, ten, ten
Kannon ha fuzulien :
Torr é ben !
4
Deit é en èr, Breihiz, taulamb er iaù
Ar zau !
Er Vretoned zo pautred kriu,
Ret é d’emb en diskoein hiriu ;
Ret e ridek ar er Gal brein,
Brèuein hun bihier ar é gein.
Ten, ten, ten
kannon ha fuzulien :
Torr é ben !
5
Deit è en èr, Breihiz, taulamb er iaù
Ar zaù !
Get Roué-Begnen pe Kadoudal
Béh e gasamb de doul er Gal ;
Er Ré-Hlas e deh kuit, spontet,
Pe gleuant kan er chouanted.
Ten, ten, ten
Kannon ha fuzulien,
Torr é ben !
6
Deit é en ér, Breihiz, taulamb er iaù
Ar zaù !
Ni zo breton, ni zo kréchen,
Eit er chomel ni e houren :
Hur Fé en do hé léh d’en hiaul
Pé malloh ru de dud en diaul !
Ten, ten, ten
Kannon ha fuzulien :
Torr é ben !
7
Deit é en ér, Breihiz, taulamb er iaù :
Ar zaù !
N’hun ès chet hoantet er brezel,
Mès dihuen e hrimb Breih-Izel ;
Hur Mestr-ni e zo Doué hembkin
Breih vo dihaut de virùikin !
Ten, ten, ten
Kannon ha fuzulien
Torr é ben !
