Kalon ar vam

Feiz ha Breiz, 1913 (p. 148-149)

Kalon ar Vam

————

Var dôn : An Aotrou Nân.

(Barzaz Breiz.)

$\score { \version "2.18.2" \relative c''{ \clef treble \key g \minor \tempo \markup { Andante } \time 2/4 \override Rest #'style = #'classical \autoBeamOff f,4 g8. c16 | c4 (bes8.) f16 | g4 c | c (d8) r | \break a [bes] c c | a4. g8 | f4 g | a ~ a8 r | \break f4 g8. f16 | bes4 d | c8 ([bes] a8.) c16 | bes4 r \bar "|." } \addlyrics { Li -- vi -- rit d’in -- me, me ho ped, Pe -- tra kaë -- ra tra ’zo er bed Pe -- tra kaë -- ra tra ’zo er bed. } \layout { line-width = #123 } \midi { \context { \Score tempoWholesPerMinute = #(ly:make-moment 90 4) } } } \header { tagline = ##f }$

1

Livirit d’in-me, me ho ped,
Petra kaëra tra ’zo er bed ?

2

N’eo ket heol laouen ar beure
Ken kaër, ken skedus koulskoude ;

3

N’eo ket an oabl sklerijennet
En noz dudius da velet ;

4

N’eo ket er c’hoat, ar gwez uhel
Holl oc’h eja gant an avel ;

5

N’eo ket trouz spountus ar mor braz,
Nag hiboud sioulik dour ar waz ;

6

N’eo ket zoken ar bokedou,
Ker koant, en hanv, var hor c’hleuziou ;

7

Na kan lirzin al laboused
Nag o flunv ken kaër marellet ;

8

Nan, kaëroc’h ’get an oll draou-ze
En deus grêt an Aotrou Doue ;

9

Me lavar heb fazia tam
Kaëra ’zo eo kalon eur vam.

10

Kaëra tra ouffet da welet
Eur vam var eur c'havel stouet,

11

O pokat d’he c’hrouadurik
Glan ha koant evel eun Elik.

12

Nan, e neb lêc’h, dre holl, er bed
Netra kaëroc'h ne vô gwelet.

M.-A. Abgrall.

————