Janned

Eus Wikimammenn
Sauter à la navigation Sauter à la recherche
D. Derrien, 1902  (p. 92)



JANNED
————


Pa ieaz Janned e kear, n’he doa nemet koefou,
Med evid heul ar c’hiz e tougennaz tokou.

Gant Janned, ken nebeut, n’oa nemed eul lostenn,
Kemeret a reaz diou, ruz unan, he ben gwenn.

He c’herc’henn oa ken eaz a-zindan he zae c’hloan !
En em c’hwaskel a reaz evit kaout kerc’henn voan.

E brezonnek ebken e kane kantikou,
Enn eur gallek divez e kan brema souniou.

Klevet a rea bep sul oferenn, gousperou,
Hogen ar zul brema zo roet d’ann ebatou.

Iann, ne dal mui gouela Janned da zousik koant,
Rag e kear-veur Paris e kav goazed, dre gant.

Med heb dale weli Janned, war hor meziou,
Roufennet raok ann oad ha goloet a druillou.


————