Guerzen groeit-aveid ur gongregation a verhed iouank

Eus Wikimammenn
Sauter à la navigation Sauter à la recherche


Guerzen groeit-aveid ur gongregation a verhed iouank



Revue de Bretagne et de Vendée
1857



II.


GUERZEN GROEIT-AVEID UR GONGREGATION A VERHED IOUANK


Mari, hur mam karantéus,
Ah ! taulet ur sel truhéus
Ar-n-amb, él leh-mem beniget,
Aveid hou melein dastumet.

Dober en dès én é nehig
A askel é vam en einig :
Édan hou tivaskel ewé,
Mari, lakeit hou pugalé.

D’en han, p’en dé bras en tuemder,
En doar a hlaù en des dober :
Eid omb goulennet gloueh en nean,
Mari, seh-korn é hun inean.

Dober en dès er geih denved
Doh er bleidi a vout goarnet :
Ni, Guerhiès, ni hun nès dobér
A vout goarnet doh Lusifer.

Er hroadurig, a p’en dé klan,
P’en dé losket get en derhian,
A lar d’è vam : ah sekour mé !
Klan omb, sekouret-ni, mam Doué.

A p’en dé arfleuet er mour,
En é vagig, en heah peskour,
Get en houlenneu vou lonket
Ma n’en dé get Doué sekouret.

Er bed a zou ur mor éahus
Lan a garreg ha houlennus,
Hag hur bag a zou ken dister :
Trué doh-emb, ô Mam tiner.

Abbé LE JOUBIOUX.