Er règl n’oblige quet édan boén a behet

Eus Wikimammenn
Sauter à la navigation Sauter à la recherche


CHAPISTR UGENTVET.


Er Règl n’oblige quet édan boen a behet.

1.°
ANFIN ne fal quet demb ma vou obliget er verdér ha hoéreset édan boén a behet marhuel de héli er péh e zou merchet ér règl-men, nameit a int e vehai obliget dré ourhemeneu Doué pé dré ré en Ilis.

2.° Mæs ret-é ma queméreint guet humilité ha pront aboeissance, ha ma reint perhuèh er penigenneu e vou reit dehai eit er pèh ou dou manquet.

Explication.

Er verdér en dès er gonsolation de uélet dré er chapistr-men, en ou dès er bonheur de vout lodêg én nombr bras a bep sort madeu spirituel é héliein er règl, hemb eah a gommettein pehet erbet, a pe n’hé hélient quet. Èl-cé é conz sant Françæs ér chapistr-men, hac èl-cé é tiscléri er Pab Nicolas IV, hac er Pab Leon X, én ur agréein er règl ag en Urh a benigen. Er hettan e lar ér chapistr-men n’oblige quet er règl édan boén a behet marhuel ; hac en eil e lar én ur bul é agré hac é jauge er règl eit er verdér ag en drivet-Urh a benigen hum dolp de vihuein ansambl pedost èl Menéh pé Leannéset, sauf n’en dint quet cloéstret, penaus n’oblige er règl nac édan boén a behet marhuel nac a behet véniel ; chetui er guirieu ag er bul : Omnia et singula in præsenti regulâ contenta sunt consilia ad salvandas viatorum ; et nulla sunt obligatoria ad peccatum mortale vel veniale, nisi humano vel divino jure aliquis alias esset obligatus ; é breton : ol ha peb-hunan ag er poéndeu ag er règl-men e zou conseilleu eit salvein ineanneu er-ré e guerh én hènt ag er Baraouis, ha n’en dès quet nitra én hi e oblige édan boén a behet marhuel pé véniel, nameit hac un dén e vehai obliget a hènt-aral dré ourhemeneu Doué, pé ré en Ilis, pé dré vœu. Mæs er verdér hac en hoéreset ne rant quet na ne zeliant gobér vœu de viret er règl, ma n’en dès er règl obligation erbet, ne pas memb a behet veniel eit er verdér e vihue èl Menéh a vandenneu, n’en dès quet ehué eit er verdér e vihue e creis er bed. Sant Françæs en dès tolpet ér règl-men hilleih ag er honseilleu e ra Jésus-Chrouist én Aviel d'en ol grechénion, eit ou gorrein ihuelloh ér santeleah pé ér squél ag er Baraouis, hemb neoah ou obligein.

Er-ré é vanquou ne zeliant quet ou dout poén erbet a gouciance, mæs int e zeli quemér er résolution de receu ha d’obér er péh e larou en Directour pé ou Hovezour dehai é penigen ag er péh ou dou manquet.