Er hombat spirituel/Chapistre 87
| ◄ Pedenneu durant en Overen. | Gospereu er Sul. | Antienneu d’er uériès Vari. ► |
Eus, + in adjutorium meum intende.
R. Domine, ad adjuvandem me festina.
Gloria Patri, et filio, etc. Alleluia,
pé Laus tibi, Domine, Rex æternæ gloriæ.
Ixit Dominus Domino meo : * Sede à dextris meis.
Donec ponam inimicos tuos * scabellum pedum tuorum.
Virgam virtutis tuæ emittet Dominus ex Sion ; * dominare in medio inimicorum tuorum.
Tecum principium in die virtutis tuæ in splendoribus Sanctorum : * ex utero ante luciferum genui te.
Juravit Dominus, et non pœnitebit eum : * tu es Sacerdos in æternum secundùm ordinem Melchisedech.
Dominus à dextris tuis, * confregit in die iræ suæ reges.
Judicabit in nationibus, implebit ruinas : * conquassabit capita in terrâ multorum.
De torrente in via bibet ; * propterea exaltabit caput. Gloria Patri, etc.
Ant. Dixit Dominus Domino meo : * Sede à dextris meis.
Onfiteor tibi, Domine, in toto corde meo, * in concilio justorum et congregatione.
Magna opera Domini, * exquisita in omnes voluntates ejus.
Confessio et magnificentia opus ejus : * et justitia ejus manet in seculum seculi.
Memoriam fecit mirabilium suorum, * misericors et miserator Dominus ; * escam dedit timentibus se.
Memor erit in seculum testamenti sui : * virtutem operum suorum annuntiabit populo suo.
Ut det illis hæreditatem gentium : * opera manuum ejus veritas et judicium.
Fidelia omnia mandata ejus confirmata in seculum seculi, * facta in veritate et æquitate.
Redemptionem misit populo suo ; * mandavit in æternum testamentum suum.
Sanctum et terribile nomen ejus .: * initium sapientiæ timor Domini.
Intellectus bonus omnibus facientibus eum : * laudatio ejus manet in saeculum saeculi. Gloria Patri, etc.
Ant. Fidelia omnia mandata ejus, confirmata in seculum seculi.
Eatus vir qui timet Dominum, * in mandatis ejus volet nimis.
Potens in terrâ erit semen ejus : * generatio rectorum benedicetur.
Gloria et divitiæ in domo ejus, * et justitia ejus manet in seculum seculi.
Exortum est in tenebris lumen rectis ; * misericors, et miserator et justus.
Jucundus homo qui miseretur et commodat, disponet sermones suos in judicio ; * quia in æternum non commovebitur.
In memoriâ æternâ erit justus ; * ab auditione malâ non timebit.
Paratum cor ejus sperare in Domino, confirmatum est cor ejus ; * non commovebitur donec despiciat inimicos suos.
Dispersit, dedit pauperibus ; * justitia ejus manet in seculum seculi : cornu ejus exaltabitur in gloriâ.
Peccator videbit et irascetur, dentibus suis fremet et tabescet : * desiderium peccatorum peribit. Gloria Patri, ect.
Ant. Qui timet Dominum, in mandatis ejus cupit nimis.
Audate, pueri, Dominum ; * laudate nomen Domini.
Sit nomen Domini benedictum, * ex hoc nunc et usque in seculum.
A solis ortu usque ad occasum, * laudabile nomen Domini.
Excelsus super omnes gentes Dominus, * et super cœlos gloria ejus.
Quis sicut Dominus Deus noster, qui in altis habitat, * et humilia respicit in cœlo et in terrâ.
Suscitans à terrâ inopem, * et de stercore erigens pauperem.
Ut collocet eum cum principibus, * cum principibus populi sui.
Qui habitare facit sterilem in domo, * matrem filiorum lætantem. Gloria Patri.
Ant. Sit nomen Domini benedictam in secula.
N exitu Israël de Ægypto, * domus Jacob de populo barbaro.
Facta est Judaea sanctificatio ejus, * Israël potestas ejus.
Mare vidit et fugit: * Jordanis conversus est retrorsùm.
Montes exultaverunt ut arietes, * et colles sicut agni ovium.
Quid est tibi, mare, quod fugisti ? * et tu Jordanis, quia conversus es retrorsùm ?
Montes exultastis sicut arietes, * et colles sicut agni ovium.
A facie Domini mota est terra, * a facie Dei Jacob.
Qui convertit petram in stagna aquarum, * et rupem in fontes aquarum.
Non nobis, Domine non nobis ; * sed nomini tuo da gloriam super misericordia tua et veritate tuâ.
Nequando dicant gentes, * ubi est Deus eorum ?
Deus autem noster in cœlo ; * omnia quæcumque voluit fecit.
Simulacra gentium argentum et aurum, * opera manuum hominum.
Os habent, et non loquentur ; * oculos habent, et non videbunt.
Aures habent et non audient, * nares habent, et non odorabunt.
Manus habent et non palpabunt ; pedes habent et non ambulabunt : * non clamabunt in gutture suo.
Similes illis fiant qui faciunt ea : * et omnes qui confidunt in eis.
Domus Israël speravit in Domino ; * adjutor eorum et protector eorum est.
Domus Aaron speravit in Domino ; * adjutor eorum et protector eorum est.
Qui timent Dominum speraverunt in Domino ; * adjutor eorum et protector eorum est.
Dominus memor fuit nostrî, * et benedixit nobis.
Benedixit domui Israël, * benedixit domui Aaron.
Benedixit omnibus qui timent Dominum, * pusillis cum majoribus.
Adjiciat Dominus super vos ; * super vos et super filios vestros.
Benedicti vos a Domino, * qui fecit cœlum et terram.
Cælum cœli Domino ; * terram autem dedit filiis hominum.
Non mortui laudabunt te, Domine ; * neque omnes qui descendunt in infernum.
Sed nos qui vivimus, benedicimus Domino, * ex hoc nunc et usque in seculum. Gloria Patri, etc.
Ant. Nos qui vivimus, benedicimus Domino.
enedicimus Deus, et Pater Domini nostri Jesu-Christi, qui bendixit nos in omni benedictione spirituali in cœlestibus, in
Christo, sicut elegit nos in ipso ante mundi constitutionem, ut essemus sancti et immaculati in conspectu ejus in caritate.
R. Deo gratias.
Luce qui mortalibus Lates inaccessâ, Deus ! Præsente quo Sancti tremunt, Nubuntque vultus Angeli.
Hic ceu profondâ conditi Demergimur caligine ; Æternus at noctem suo Fulgore depellet dies.
Nunc nempê nobis præparas, Nobis reservas hunc diem, Quem vix adumbrat, splendida Flammantis astri claritas.
Moraris, heu ! nimis diù Moraris, optatus dies : Ut te fruamur, noxii, Linquenda moles corporis.
His cùm soluta vinculis Mens evolârit, ô Deus ! Videre te, laudare te, Amare te non desinet.
Ad omne nos apta bonum, Fœcunda donis Trinitas : Fac lucis usuræ brevi Æterna succedat dies. Amen.
V. In Deo laudabimur totâ die ; R. Et in nomine tuo confitebimur in seculum.
A oudé en eil Sul arlerh er Rouyet bet er hetan Sul a Goareis, hac a oudé en drivet sul arlerh er Pantecoust bet en Avènd. Rom.
Ucis creator optime, Lucem dierum proferens, Primordiis lucis novæ Mundi parans originem.
Qui mane junctum vesperi Diem vocari præcipis, Tetrum chaos illabitur, Audi preces cum fletibus.
Ne mens gravata crimine, Vitae sit exsul munere, Dùm nil perenne cogitat, Seseque culpis illigat.
Cœlorum pulset intimum, Vitale tollat praemium : Vitemus omne noxium. Purgemus omne pessimum.
Præsta, Pater piissime, Patrique compar unice, Cum Spiritu Paracleto, Regnans per omne seculum. Amen.
V. Dirigatur, Domine, oratio meo,
R. Sicut incensum in conspectu tuo.
Agnificat * anima mea Dominum,
Et exultavit spiritus meus * in Deo salutari meo ;
Quia respexit humilitatem ancillæ suæ : * ecce enim ex hoc beatam me dicent Omnes generationes.
Quia fecit mihi magna qui potens est, * et sanctum nomen ejus.
Et misericordia ejus à progenie in progenies, * timentibus eum.
Fecit potentiam in brachio suo ; * dispersit superbos mente cordis sui.
Deposuit potentes de sede, * et exaltavit humiles.
Esurientes implevit bonis, * et divites dimisit inanes.
Suscepit Israël puerum suum, * recordatus misericordiæ suæ.
Sicut locutus est ad patres nostros, * Abraham et semini ejus in secula.
Gloria Patri, etc.
Onverte nos, Deus salutaris noster ;
R. Et averte iram tuam à nobis.
Deus, in adjutorium meum intende, etc. Gloria patri, etc.
Um invocarem, exaudivit me Deus justitiæ meæ : * in tribulatione dilatasti mihi.
Miserere mei, * et exaudi orationem meam.
Filii hominum, usquequo gravi corde ? * ut quid diligitis vanitatem, et quæritis mendacium ?
Et scitote quoniam mirificavit Dominus sanctum suum ; * Dominus exaudiet me, cum clamavero ad eum.
Irascimini, et nolite peccare ; * quae dicitis in cordibus vestris, in cubilibus vestris compungimini.
Sacrificate sacrificium justitiae, et sperate in Domino ; * multi dicunt: Quis ostendit nobis bona ?
Signatum est super nos lumen vultûs tui, Domine : * dedisti laetitiam in corde meo.
A fructu frumenti, vini, et olei sui, * multiplicati sunt.
In pace in idipsum dormiam, * et requiescam ;
Quoniam tu, Domine, singulariter in spe * constituisti me. Gloria Patri, etc.
Ui habitat in adjutorio Altissimi, * in protectione Dei c’li commorabitur.
Dicet Domino : Susceptor meus es tu et refugium meum, * Deus meus sperabo in eum ;
Quoniam ipse liberabit me de laqueo venantium, * et à verbo aspero.
Scapulis suis obumbrabit tibi, * et sub pennis ejus sperabis.
Scuto circumdabit te veritas ejus ; * non timebis à timore nocturno.
A sagitta volante in die, à negotio perambulante in tenebris, * ab incursu et dæmonio meridiano
Cadent a latere tuo mille, et decem milia à dextris tuis ; * ad te autem non appropinquabit.
Verumtamen oculis tuis considerabis, * et retributionem peccatorum videbis ;
Quoniam tu es, Domine, spes mea, * Altissimum posuisti refugium tuum.
Non accedent ad te malum, * et flagellum non appropinquabit tabernaculo tuo.
Quoniam Angelis suis mandabit de te, * ut custodiant te in omnibus viis tuis
In manibus portabunt te, * ne forte offendas ad lapidem pedem tuum.
Super aspidem et basiliscum ambulabis, * et conculcabis leonem et draconem.
Quoniam in me speravit, liberabo eum ; * cum ipso sum in tribulatione ; eripiam eum, et glorificabo eum.
Longitudine dierum replebo eum, * et ostendam illi salutare meum. Gloria, etc.
Cce nunc benedicite Dominum, * omnes servi Domini.
Qui statis in domo Domini, * in atriis domus Dei nostri ;
In noctibus extollite manus vestras in sancta, * et benedicite Dominum.
Benedicat te Dominus ex Sion, * qui fecit cœlum et terram. Gloria Patri, etc.
Ant. Scuto circumdabit te veritas ejus, non timebis a timore nocturno.
Rates, paracto jàm die, Deus, tibi persolvimus ; Pronoque, dùm nox incipit, Prosternimus vultu preces.
Quod longa peccavit dies Amarus expiet dolor, Somno gravatis ne nova Infligat hostis vulnera.
Infestus usque circuit, Quærens leo quem devoret : Umbrâ sub alarum tuos defende filios, Pater.
O quando lucescet tuus Qui nescit occasum dies ? O quando sancta se dabit Quæ nescit hostem patria ?
Deo Patri sit gloria, Ejusque soli Filie, Sancto simul cum Spiritu, Nunc et per omne seculum. Amen.
Irgo Dei Genitrix, quem totus non capit orbis, In tua sa clausit viscera, factus homo.
Hinc merito dicent te secula cuncta beatam : Hinc populi matrem te dominamque colunt.
Suscipe quos pia plebs tibi peudere certat honores. Annue sollicitâ quam prece poscit opem.
Gloria magna Patri ; compar sit gloria Nato ; Amborum tibi par, Spiritus alme, decus. Amen.
Mnes vos filii lucis estis, et filii diei, non sumus noctis, neque tenebrarum : igitur non dormiamus sicut et cæteri ; sed vigilemus et sobrii simus. R. Deo gratias.
V. In manus tuas, Domine, commendo spiritum meum. R. In manus, etc.
V. Redemisti me, Domine, Deus veritatis. R. Commendo spiritum meum.
V. Gloria Patri, etc. R. In manus, etc.
V. Custodi me, Domine, ut pupillam oculi : R. Sub umbra alarum tuarum protege me.
Unc dimittis servum tuum, Domine, * secundum verbum tuum in pace ;
Quia viderunt oculi mei * salutare tuum.
Quod parasti * ante faciem omnium populorum.
Lumen ad revelationem gentium, * et gloriam plebis tuæ Israël.
Gloria Patri, etc.
Ant. Domine, dabit pacem nobis ; omnis enim opera nostra operatus et nobis.
Isita, quæsumus, Domine, habitationem istam, et omnes insidiæ inimici ab eâ longe repello : Angeli tui sancti habitent in eâ, qui nos in pace custodient, et benediction tua sit super nos semper ; Per Dominum.
V. Dominus vobiscum, etc.
V. Benedicamus Domino, etc.
Gratia Domini nostri Jesu-Christi, et caritas Dei, et communicatio sancti Spiritûs sit cum omnibus vobis. R. Amen.