Er hombat spirituel/Chapistre 70
| ◄ Er stat-cé a galme hac a dranquillité ne zeli bout établisset meit a nebedigueu. | Aveit possedein er peah-cé, en inean e zeli hum zizober a beb consolation. | En inean e zeli hum zerhel é hunan ha distaguet doh quement tra zou eit ma rèi Doue abarh el ma pligeou guetou. |
UASI nen dé quet hanàuet guet er bed en hènt e gondu d’er peah-zé pehahi ne fehai bout troublet guet tra erbet. Én hènt-cé quemer e rer en trebilleu, èl ma quemer en dut ag er bed er plijadurieu, hoantat e rer én hou en disprisance hac en disinour, èl ma hoantant er gloër hac en inour ; quement é labourer én hènt-cé eit tehein ha bout ancoeheit, eit qùittat ha bout qùitteit guet en dut, él ma ra en dut ag er béd eit bout clasquet, chérisset hac istimet guet er ré vras.
Én hènt-cé desirein e rer guet er vrassan humilité bout hanàuet, consideret, consolet ha câret guet Doué hemp quin.
Én hént-cé en inean crechein e zisque chom é hunan guet Doué, hac hum gavouet quen nerhet dré é bresance divin, ne vou na poénieu, na tourmanteu ne vehai coutant d’andur eveit é hloër hac a balamor dehou.
Desquein e rer én hènt-cé penaus er souffrance e efface er péhet ; penaus un affliction anduret erhat e zou un tresor éveit en éternité ; ha penaus souffrein guet Jesus-Chrouist e zeli bout ol desir un inean e vènn bout pé-dost haval doh-t’hou.
Anseignein e rer én hou penaus hum gârein ni memb, gober hun volanté, héliein disordreu er squeindeu naturel, coutantein hun goal-inclinationeu hac um gol, e zou tout er mèm tra, ha penaus ne faut quet memb gober er mad hun ès er volanté d’ober, que ne vou nehi soublet é raug èdan hani en eutru Doué guet simplicité hac humilité a galon, eit ne rehemb meit èl ma ordrennou é vajestè, hemp clah gober hun fantasi.
Dré ur sclerder faus é ta demb liès gober œvreu mat, pé dré ur gret diavis ; cavouid e ramp guéhavé én omp profetet faus peré édan crouhenneu dévet, e guh bleidi scraperion.
Mæs un inean ou hanàuei doh ou freh, a p’en hum gavou tromblet pé geinet, a pe gavou é santimanteu a humilité bihanneit, é interior dibarfait, a pe nen devou quet mui é beah hac é dranquillitè, ha ma uélou en en dès collet én ur momant er peh en devoé gouniet guet hilleih a amzer hac a boén.
Couéhel e rer guéhavé, én hènt-zé ; mæs en hum humiliein e rer ag er fauteu commettet, en humilité hun sàu én dro, hac e ra demb quemer resolutioneu d’hum zerhel gùel ar hum goard én amzer de zonnet.
Marse é permet Doué ma rehemp fauteu eit discar én-omp un orgueil benac cuhet dohomp dré hun amour prope.
En inean e èll ehuè guéhavè bout attaquet dré en tantation de hober offance de Zoué, mæs ne zeli quet hum droublein a guement-cé : ean e zéli hum dènn ag en danger-zé guet douster, hemp debat, hac hum laquad én é galme quetan, hemp rai a joé na rai a dristé.
Anfin n’hun ès meit un dra d’ober, pehani e zou derhel hun inean tranquil, næt ha pur dirac Doué : ni er havou én-omp a ziabarh, hac hanàuet e rehemp dré experiance penaus é volanté divin ne glasque meit mad ha profit hé hroaidur.