Er hombat spirituel/Chapistre 56
BOUT ne eller quet communiein én effet estroh eveit ur uéh én un dé, hui e èll er gober spirituellemant, de bep course, èl m’em ès ean laret dejà ; ha nen dès meit hou lisidantæt tost hé hunan, pé un defaut benac haval e èll bout caus teoh de ziover en avantage-zé ; ha ret é remerquein penaus er gommunion spirituel e zou guéhavé profitaploh d’en inean hac agréaploh de Zoué eveit hilleih a gommunioneu én effet, groeit hemp cals a breparation ha guet lisidantæt. A pe vehet enta disposet de receu er fæçon-zé, Mab Doué e vou perpet prest d’en hum rèin deoh spirituellemant eit bout hou magadur.
A pe gârehet hum breparein, hui e droêi de guétan hou chonge dermaha hun Salver ; ha goudé hou pout groeit ur reflexion benac ar en nombre bras a hou péhedeu, hui e ziscoei dehou er hai e huès a nehai. Goudé hui er pédou guet respet ha guet ur fé biue ma pligeou guetou donnet én hou inean eveit rèin dehi græçeu nehué, eveit hé gùellat a hé fragilité ha hé hréannat einep d’hé anemiset. Sel gùeh ma ellehet mortifiein unan benac a hou fal daicheu, hum cherviget ag en occasion-zé eit preparein hou calon de Vab Doué pehani er goulèn guenoh hemp cess : goudé doh hum adressein doh-t’hou, pedet ean guet ur gret nerhus de zonnet d’hou cavouit, èl ur medicinour eit hou cùellat, èl ur goarantour eit hou tihùen, a selfin ne vou nitra capabl d’er miret a vout mæstre en hou calon.
Hou péet chonge ér memes amzer a hou communion deuéhan, hac é vout ambraset guet ur flamme pur a garanté hou Salver, laret dehou : Pegours vou, ô men Doué, en hou receuin-mé ur uéh aral ? Pegours e têi en dé eurus hont ? Mar fal deoh communiein spirituellemant guet muioh a zevotion, hum breparet ag en noz quênt, hac én hou ol mortificationeu, én ol vertuïeu e bratiquehet, ne chonget nitra quin deoh meit en hum laquad ér stad de receu erhat spirituellemant hur Salver.
De vitin a pé zihunehet, hum laqueit de gonsiderein pe un avantage é eit un inean communiein erhat, a pé recour dreno er vertuïeu hé devoai collet, pen da én dro d’hé hetan purtæd, pen hum rante dign de vout lodec ér fréh ag er groez, pé ra un action agréable-bras d’en Tad éternel pehani e zesir ma jouisseou en ol ag er sacremant divin-zé. Groeit hou possible ar en dra-zé d’hou pout un desir berhudant d’er receu, eit pligein d’en hani e vènn en hum rèin deoh ; hac én dispositioneu-zé, laret dehou : Men Doué, pe nen dé quet permettet deign hou receu hiriue én effet, groeit d’er bihannan dré hou madeleah hac hou ol-buissance ma vein purifiet a me fauteu, gùelleit a men goulieu, ha ma velitein hou receu spirituellemant breman, bamdé ha de bep course ag en dé, eit ma ellein dré er secour ag ur græce nehué, resistein guet courage doh m’anemiset, surtout doh en hani de behani é ran ur brésel particulier a balamor deoh.