| ◄ Petra é en Oræson mantal. | Ag er Meditation. | Ag ur fæçon aral de bedein dré er moyant ag er meditation. ► |
Er hombat spirituel/Chapistre 46
CHAPISTRE XLVI.
Ag er Meditation.
AR fal demp rein muioh a amzer d’er bedèn, èl un hanter ær, pé un ær, pé memb davantage, ret é joentein
doh-t’hi er meditation ar ur poent benac a vuhé pé a bassion hur Salver, hac appliquein doh er vertu e fal demp hur bout en ol reflexioneu e rehemp.
Mar e hués dober enta d’en hum accouragein d’er batiantæt, consideret flagellation hon Salver ; sellet a speret er soudardet lan a furi hac a arrage, goudé ou dout bet ordre d’er honduiein d’el leh ma teliai bout flagellet pé fouettet, sellet-hai doh er stleigeal hac en trætein guet mil sort anjuli, doh en dihusquein en ur fæçon barbar, doh et staguein doh ur piler ; consideret er méh bras en devoé nezé Jesus scùir en dut pur, doh hum uélet nuah dirac deulegat er bobl insolant-cé ; sellet oæn en eutru Doué abandonnet d’arrage er bleidi ; sellet er vourrèuion é tiscarg ar é gorf tiner hac adorable èl ur gresil a dauleu foêt : coutamplet surtout guet hiriss er gouli bras hont pehani hum zigueoras é creis é ziscoué, él léh ma couéhai er muihan ag en tauleu foêt.
Durant ma rehet meditation ar er poendeu-zé pé réral haval doh-t’hai, capabl d’ober deoh cârein er batiantæt, hum laqueit de guetan de gonsiderein ha de santein én hou interior a guement ma ellehet, en tourmanteu bras e anduras hou Salver hac hou mæstre é quement léh ag é gorf, hac é peb-unan é particulier. Arlerh consideret er ré e andurai én é inean santel, hac assæet comprenein guet peh patiantæt ha douster en ou andurai, perpet prest d’andur réral a nehué eit gloër é dat hac eveit hou mat hui.
Arlerh en dra-zé sellet-ean goleit a oaid, ha beah assuret éma er peh e zesïr muihan é ma quemérehét ha ma supportehet hou affliction guet patiantæt, hac é ped memb é dat d’hou secour de zouguein non-pas hemp quin er groez-zé, mæs-memb ol er ré e ellehai arriue guenoh én amzer de zonnet. Discoeit dré acteu pé actioneu aral er résolution é pehani é oh de souffrein tout guet joé ; nezé en ur sehuél hou speret trema en ean, trugarecait mil gùeh en Tad a visericorde, rac m’en dès bet er vadeleah de zegasse é vab unique ér bed eit andur tourmanteu quen horribl hac intercedein eveit oh. Anfin pedet ean de rein deoh er vertu a batiantæt dré veliteu hac intercession er mab carantéus-zé.