| ◄ Ag er peh e zou ret gober a pe seblante bout feahet er volanté, hac hemp nerh de resistein doh er goal-inclination. | Aviseu aral forh profitable eveit goud er fæçon de gombatal erhat, peh anemiset e telier attaquein, ha dré peh vertu e eller ou feahein. | A vitin é teli ur soudart crechein hum breparein d’er hombat. ► |
Er hombat spirituel/Chapistre 15
CHAPISTRE XV.
Aviseu aral forh profitable eveit goud er fæçon de gombatal erhat, peh anemiset e telier attaquein, ha dré peh vertu e eller ou feahein.
UÉLET e hoès é peh fæçon éma ret combatal, eveit guellout hum feahein ha possedein er vertuïeu ; mæs eveit douguein æssoh ha prontoh er victoér, ne chonget quet éma assès combatal ha discoein hun hourage ur uéh hemp quin, necessær é retourn d’er hombat é special einep d’en amour-prope, bet que ne sellehemb èl hun amiet er ré e ra demp en outrageu er ré vrassan hac er ré cruellan. Arriue e ra forh liès, èl me mès laret deja, a pe ver dissourci ér hombat-cé, er victoérieu en hum gav difissil, imparfæt, ha ne vant quet stanc na padus. Combatet enta guet ur hourage bras, ha nen hum excuset quet ar hou fragilité naturel ; rac mar dé nerh e vanque teoh, goulennet guet Douè, hac ean e rei deoh.
Chonget opèn penaus mar dé divat tærision hou anemiset, ma n’eller nombrein en tolp a nehai, er garanté en dès Doué dohoh e zou hoah hilleih brassoh. En nombre ag en Ælé ag en Ean, peré hou tihuèn, ag er Sænt peré e bed aveit oh, e zou hilleih brassoh. Er housiderationeu-zé en dès reit quement a gourage de certæn merhet dister, m’ou dès feahet ol abiltæd er bed, resistet doh en ol plijadurieu ag er hicq, ha triomflet a ol arrage er goal-speret ; chetu perac ne faut quet spontein, a bout éma diæs, haval guenoh, resistein doh guellout quement a anemiset, a bout é padehai er brésel-zé quehet él hou puhé, a bout e vehai menacet teoh a bep tu ur revine quasi assuret ; rac ret é ma ouyehet hoah penaus hou anemiset guet ou ol nerh ha finesse nen dint quet capabl d’ober poén deoh hemp permission en hani eit inour pehani e combatet ; hac èl ma plige bras dehou er sorte combateu-zé, èl ma solite, en ol dud dehai par ma èll, n’andurou quet er ré en dès complodet hou col, de zonet jamæs de bèn a ou goal-intantion, mæs ean hou tihuennou hac e rei deoh er victoér abret pé deuéhat, guet avantageu bras, a bout e vehai ret dehou gortoz bet en deuéhan dé a hou puhé.
Tout er peh e oulèn guenoh é ma tihuennehet guet vaillantis, hac a bout e arriuehai guenoh bout blesset guéhavè, er peh e oulèn guenoh hoah ur uéh é, ne daulehet quet en armage, na ne dehehet quet é rauc eit en dra-zé. Opèn eveit hou solitein d’ober erhat hou tever, hou pet chonge penaus er brésel-man e zou ur bresel doh pehani n’eller quet parrat ; hac éma ret a grén pé combatal, pé merhuel : car anfin affær e hoès doh anemiset quer furius ha quen ahurtet, m’éma impossible en devout jamæs na peah na repos guetai.