Eit desquein d’er Verdér er hource assinet d’ou fedenneu hac en intantion d’ou jointein doh Office en Ilis

Eus Wikimammenn
Sauter à la navigation Sauter à la recherche


EIT DESQUEIN
D’ER VERDÉR HA HOÉRESET
AG EN DRIVET-URH A BENIGEN
ER hource assinet d’ou fedenneu hac en intantion d’ou joéntein doh Office en llis.
————


1.


DAVID, Roué-Profet, e larai :
M’hou mêl, men Doué, seih gùéh én dé.
Doh é scùir en dut a Ilis
E lar hoah bamdé seih Office.

2.

Matinézeu ardro creis-noz,
Ha Prim de sàu-heaul en trenoz ;
Tierce de nàu ær, Sext de greis-dé,
Ha None ardro tair ær goudé.

3.


Gospereu d’anderhue dehuéhat,
Compli pe gommance tihouélat.
En Ilis e ra permission
D’ou digourzein, p’en dès ræson.

4.


Er verdér a dredé-Urheu
E lar én ou léh Pedenneu.
Credo quênt Prim eit commancein,
Goudé Compli eit achihuein.

5.


Miserere guet dar bamdé
Pé tair Pater ha tair Ave ;
Quênt miren ha coén ha goudé,
Laret Pater guet grat de Zoué.

6.


Pe varhue berdér, laret eit-ai
Antér-hant Pater hac Ave.
Cant eit en ol ur uéh peb plai
Ha quement a Requiem goudé.

7.


Er règl n’en dé meit conseilleu
Ha ne pas obligationeu ;
Neoah a pe zér ha manquein
Er règl e lar en accusein.

8.


Ret-é, emé er Pab, quemér
Guet humilité ha doustér
Er penigenneu ordrénet
Eit er péh e vou bet manquet.

9.


Eit laret gùel en Officeu
Pé én ou léh er Pedenneu,
Joéntamb-int doh ré hun Salvér,
En é Bassion clascamb tuemdér.

10.


De Vatinézeu é chongér
É nozeoh calet hun Salvér ;
De Brim mad é chongeal erhat
En é souffrance é ti Pilat.

11.


De Tierce en er honsidérér
E touguein é groéz d’er Halvér ;
De Sext en er sellér guet gloéz
Tachet ha gorreit doh er groéz.

12.


De None ér sellér é tremen,
En heaul e sclins, en doar e grén ;
De Gospereu é tisquennér
Ag er groéz Corf marhue hos Salvér.

13.


De Gompli é ma interret
Ha goarnet guet er soudardet ;
De bep Ave Maria chonget
É gloéz er Üériès beniguet.

14.


D’er hource a Tierce pé da nàu ær
É chongér hac é oulennér
Er Speret-Santel disquennet
D’en ær-zé ar en Disciplet.

15.


Hanhuet é hoah en Officeu
Ag ur mod aral Ærieu,
Rac quement ær e zou én dé
Zou de hunan-benac a nehai.

16.


Tair ær goudé cource peb Office
Zou dehou revé en Ilis ;
El cource Prim de sàu-heaul e vé
Bet Tierce, ha cource Tierce bet creis-dé.