Devizigeu a garanté

Eus Wikimammenn
Sauter à la navigation Sauter à la recherche
◄   Men dous Devizigeu a garanté Soñnen er labourér-doar   ►


9.
Devizigeu a garanté


Les partitions musicales sont temporairement désactivées.


1. Dé mat ha joé, me mestréz koant,
Me haranté, mem brasan hoant ;
Hoant bras em es ha volanté
Ma hreemb hun deu en amitié,
Dizoleit d’ein hon santimant
De houiet ha hui zou koutant ?

2. Eutru, Eutru, me eskuzet :
M’hou reskondou pe gonzeet.
Hui zou Eutru a hoed ihuél :
Doh hui é jauj un damezél ;
Me zou mé merh d’ur beizantéz,
Nen don na nobl na borhizéz.

3. Petra larou ol hou ligné
Pe zei dehé gout en doéré ;
E timéet d’ur beizantéz
Nen dé na nobl na borhizéz ?
Aveit diléz er brinsézed
É hues liseit amzér zou bet !…

4. Na petra hra d’em ligné mé
De biù e rein mé men dañné ?
Eit ne vehé hañni koutant,
Men dous, me ven kavet me hoant
Diméamb hun deu hemb dalé ;
M’hou lakou nobl a galité.

5. Galand, galand, mal vou kuitat :
Komans hra en hiaul izélat.
Mal e vou d’ein galand pellat
Monet d’er gér de di me zad :
Pep plah iouank, get honestiz
Zou mal dehi klask lojeris ;
Monet d’er gér de di hé zud
Get en eun a gavet tabut !…