Sant Joseph, ra viot meulet,
Ha gant an oll trugareket,
Joseph ;
Ha gant an oll trugareket.
Abalamour m’oc’h euz maget
Gant ho labour Salver ar bed.
E kraou Bethléem, pa oa ganet,
Gant Mari ’peuz hen adoret.
Tre ho tivrec’h ’peuz hen douget,
Ha diouz peb drouk hen diouallet.
C’hui oc’h euz sec’het an daelou
A skuill’ he zaoulagadigou.
Pa glask Herodez her laza
D’an Egypt c’hui dec’haz gantha.
Da zaouzek vloaz pa oe kollet,
Gant glac’har vraz ’peuz hen c’hlasket.
C’hui hen c’haraz evel eun tad ;
Hen ho karaz evel eur mab.
Ni fell deomp ive ho karet,
Ma vezimp ganeoc’h sikouret.
Da vont eun devez da repoz,
En ho kichen, er Baradoz,
Joseph ;
En ho kichen, er Baradoz.
————
|
