|
CHANSON NEVEZ
Var sujet ar gonscrivet yaouank demeus ar blaves mil eis cant unec a tri-ugent
————
Domine potentissime da luminem mihi.
Me o ped ta, va Doue, domp dam sclerigenni
Evit ma hallin discleria va buez tremenet
Ac ar poaniou da bere, siouas! e zon sujet.
Digorit ho tiou scouarn, silaouit un den yaouank
Pehini neus quitted e vro, a blavez man present
Er blavez mil eis cant daouzec a tri uguent,
Dar bemp varn-uguent a vis kerzu, vit rei doc’h da gompran
An deis-se deuz ar mintin, voa deut an ordrenanç
Da bartial dan dregon, evit ar republik Franç.
Cetu ar conscrivet yaouank, oll voa glaharet,
O clevet ar c’hellou-se, o c’hallon voa rannet.
Obliget da guitad, o c’herent, o mignonet,
O sadou, o mamou, o breudeur, o c’hoarezet,
Var ma feuillen voa merket ar c’homzo cri ha cruel
« Punisset e vec’h mar vanket d’an appel ».
O velled ar c’homzou-se, va c’halon voa rannet,
Ann dour a zirede demeuz va daoulaguet.
Cetu me partiet, d’an dregont deus ar mis.
Hirio mon e Mont Valerien, ust a guer a Baris.
Non quet aman va hunan, o souffri tourmancho
Pevar all a zo c’hoas, pere zo deus ma bro
Evar sujet da bere meus c’hoant da barlanta,
Car pevar soudard ezint, deus ar vaillanta.
Bemnos nom reunissomp, arog mont da gousket ;
Or c’hallon ra met unan, pa vemp reunisset ;
Neuse a barlantomp deus ar plijadurezo
A mizemp ebarz ar guer, gant or c’hamarado.
Pa iejom da bourmen, teue caus deus a vro.
Gant daelo on daou lagat e c’hlebem an encho,
Evel an durzunel kes, collet ganti e far,
Pini nom dol da vervel, ractal var an douar.
Pa jonjan em zad, em mam, pere neuz va maguet
Hac ebars an ty eurus lec’h ma zon be ganet,
Neuze e ven scoet a disconsolation,
Ac eguis eun toll lanç a dreus din ma c’hallon.
Pa teu ebars va memor, an amzer passeet,
Gant ma c’hamaradet a ma c’hamaradezet,
Deus pere allas !!! allas !!! ezon separet hirio ;
Pelec’h e zeo et eta ar plijadurezo
Mump tanveet assembles, couls an nos vel an de :
Cetu ar pez a basse dre va speret bemde ;
Ma mestres, ma mestres, aman var ma chanson,
Me a num recommand d’oc’h, deuz a greiz va c’halon.
Sonjit bars an ini o car, pehin zo en arme,
Prest da vont en disesper, o c’hortos e gonge
Breman zo pevar bloas a voan en ho quichen,
Ac an deiz a hirio mon evar leign eun duchen.
Evar leign eur menze, en faç dar seiz amzer,
Ust ar guer capital Franç, mon o souffri miser.
Divar leign an duchen-man dolan vechou ma zello
Evar zu ma bro natal, mes netra ne vellon.
Nemet ar firmamant pehini zo ust or pen,
Ac an eol santel ra deomp ar sclerigen ;
Deus an nos e velan c’hoas ar loar ac ar sterret
Pere contemplom bemnos, arog mont da gousket,
Demeus sclerigen pere pa voan ebars ar vro
A profiten vit monet d’ober pourmenadenno.
Cetu aze souveniriou, a zo cri ha cruel ;
Bet truez eus o pugale, tadou, mamou santel.
Querent ha mignonnet, na houifec’h quet compren
Ar miseriou a souffromp aman var an duchen,
Da poaniou ar brassa ezer sujet bemde,
Obliget d’ober faction, coulz an noz evel an de,
Gant ar sac’h var o chouq, o fusil, o sabren
Ac evit nom reposi neus nemet eur planken
Henes a zo eur guele a zo yen a kalet
Evit reposi eur c’horf paour pehini ve scornet
O tont deus ober faction, dre ar glao pe an avel
A glever en pad an nos, dre ho tiou scouarn o yudel.
Mar vise lavaret din, breman a zo daou uguent mis
Vizem bet quen malheurus o tremen va youankis,
Me mise pedet Doue da dori va flaneden ;
Mes pa zeo degoet guenin, e zeo ret din y douguen ;
Ac ebars fin va c’honge marteze vezo brezel,
Neuze neur vro estranjour, marteze vo ret mervel.
Sonjit ta tud yaouank, peguen trist ar maro,
Mervel da bemp bla varnuguen, e creis tan ar c’hanoniou.
Mar ia ar hellou dar guer da laret vin maro,
Laquet guenin, me o ped, eun nebeud pedenno,
Ha neuze ebars ar vro, evel e ma ar c’his
C’houllan guenoc’h eur Bater, pe an De profundis.
Mont a ran, va mignonet, breman da echui.
Re glac’haret eo va c’halon vit gallout continui ;
Mes quent evit finissa, meus c’hoant da lavaret
Hano ar pevar den yaouank, deus pere meus parlantet
Unan a zo e hano, Jacques Bourriquen
An eil demeus ane, e zo Even Gourlaouen
Isidor Maisonneuve, a Corentin Lagadec,
An hini diveza zo deuz Carais, an tri al deus Speyet.
Mar moc’h clasq gout a clevet piou neus gret ar chanson
Ma pars ar guer a Baris, rannet e zeo e galon,
Sergent-major e zeo, demeus ar blavez unec
E hano zo François Ruppe, demeus bourg Speyet.
Breman ar pemp assembles, or speret bars ar vro
A laromp dar Finister, quenavo !!! quenavo !!!
- François RUPPE
|
