Cantic spirituel evit medita var Bassion hor Salver e pad an offèrèn

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 167-171)



CANTIC SPIRITUEL.
EVIT MEDITA VAR BASSION HOR SALVER E PAD AN OFÈRÈN.


Var ton : Offromp da Zouë ar sacrifiç, etc.



Mar fell deoc'h clevet pen-da-bèn
Devotamant an offèren,
Grit enn’hi meditacion,
Var misteriou ar bassion.

Rac an offérèn a represant
Maro ha passion sanglant.
En deus anduret mab Doue,
Evit rançouni hon êne.

Ar belec è traon an auter
A zisques deomp hor Salver,
Er jardin èn he oræson,
O c’hantrèn èn ê bassion.


Er gonfiteor contemplet
Jesus d’an douar prosternet,
O pedi, o c’hoezi ar goad,
O c’hapèsi coler ê Dad.

Pa bocq ar belec d’an auter,
E trac’his Judas hor Salver ;
Pa za d’al levr, ar yuzevien
A zeu gant kerdign d’he erren.

An introït a represant
An injur, ar goall dretamant,
A rejont dezan oc’h he gaçz
Eus ar jardin da dy Annas.

D’ar Kyrie, sant Pêr teir gueich,
Gant aoun rac eur servicheures,
He vestr mad a zianzavas
E ty ar pontif Caïphas.

Ha d’an Dominus vobiscum,
E c’hanaf Pêr he grim enorm :
Rac pa zell he vestr douç ountâ,
E c’he-nem-den evit gouëla.

D’an Oræsoun ar soudardet
O deus bizach Jesus mouchet,
Carguet à grainch, à façadou,
Hac à bep seurt injuriou.

D’an abostol, e voue casset
Da dy Bylat gant soudardet
E lec’h ma teujont da zepos
En he eneb cals krimou faos.

Pa zistro da greis an auter,
E çasset c’hoas hor Salver,
A dy Pilat da Herodes,
Oc’h he valtreti heb paoues.

En Aviel, deut da velet
Jesus da dy Bilat casset,

Tretet gant Herodes mechant,
Evel eur sot hac innoçant.

Pa vez ar c’halivr, disoloët,
E vez hor Salver divisquet ;
Ha barnet, heb compassion,
Da zouffr ar flagellacion.

Pa offr ar bara hac ar guin,
O pezet glac’har ha chagrin ;
O contempli an dirantet,
Oc’h ê zispen a daouliou fouet.

Pa vez ar c’halivr goloët,
Considerit an dirantet
Oc’h anfonci ar gurunen spern
En ê benn sacr bet’èn empenn.

Goalhi ra ê zaouarn neuze,
Rac Pilat a voalc’h ê re,
Evit disques n’êr c’have ket
Coupabl da veza crucifiet.

D’an Orate fratres, Pilat
En disques d’ar bopl ingrat,
Leun à c'hoad ac à c’houliou :
En esper touch ho c’halounou.

Er Prefaç, e ro ar setanç,
Ar barner lach ep coustianç,
Oc’h è gondaoni da vervel,
Ep sujet var êr groas hüel.

Ar Sanctus, he joa d’ar scribet,
D’ar bobl, d’ar pharisianet,
Hac humilite hor Salver,
O c’hoboïssa d’ar Barner.

Er Memento, e toug ê groas
Var ar menes gant fatig bras :
Rac o veza è c’hoad collet,
E couês d’an douar beb camet.


E pad ar gonsecracion,
Contemplit, gant compassion,
An dirantet gant tachou bras
O staga hor balver oc’h ar groas.

Pa vez an hosti gorroêt,
Ar groas èn he flaçz zo savet :
Ha pa c’horroër ar c’hali,
E red ê c’hoad a beb gouli.

En eil Memento e c'houlen
Pardoun evit ar bec’herien ;
Ac ive evit an dirantet,
O devoa kement ê dourmantet.

Ar belec o squei ê beultrin,
A zisques al laër deou èr fin,
O c’houlen a greis ê galoun
Digant Jesus remission.

Considerit neuze èr Bater
Seiz coms diveza hor Salver :
Ha pa vez an hosti torret,
Jesus er groas zo decedet.

Pa laquear è bars èr c’hali
En tamic eus an hosti,
E zeas ê enê d’al limbou,
Evit delivra an tadou.

Agnus Dei, a ra deoc’h guelet,
An êe ac an douar spountet ;
En nombr bras à yuzevien
A reas prount guir binigen.

D’an Domine non sum dignus,
E oue ambaumet corf Jesus :
O communia goude vez,
E oue laqueat è bars èr bez.

Pa za d’al levr deut da velet
E zeo Jesus ressusçitet ;

D’an Dominus vobiscum, bremâ
Ec’h apparissas da guentâ.

An oll Oræsounou goude
A zisquez an daou-uguent de,
Ma chommas gant e zisquipien,
D’ho desqui mat, ha d’ho c’helen.

Dominus vobiscum èr fin,
A représant hor mestr divin,
O pignat triomphant èn Ee,
E compagnunes an Æle.

Pa ro ar Venediccion,
Contemplit, gant devocion,
Ar Speret-Santel o tisquen
Er zâl var pen ê zisquibien.

Pedomp-hên ive da zisquen
Varnomp è fin am offèrèn,
Evit publia evel-de,
Hardis partout lèzen Doue.

Pa vezo fin d’ar sacrifis,
Choumit un nebeut èn ilis,
Evit trugarecat Jesus
Eveus eur c’hraç quer precius.