Cantic evit procession ar Vugale

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 158-162)



CANTIC
EVIT PROCESSION AR VUGALE.


Var ton : O filii et filiæ.


Ar Baotret.


Entrezomp-ni, Bugaligou,
Canomp-ni oll meuleudiou
Da Jesus-Christ, hor guir Autrou.
Meulomp Doue, meulomp Doue,
Meulomp Doue, meulomp Doue.

Ar Merc’het.

Ravisset bras eo hor c’halon
O clêvet ar c’hleyer o son
Evit ober Procession. Meulomp.

Ar Baotret.

Abars ma flachimp eus hor plaç,
Accordit deomp, Jesus, ar c’hraç
Da renta deoc’h hon guir homach. Meulomp.

Ar Merc’het.

En eur ober hon Stacion,
Publiomp gant devocion
Ar joa hon eus en hor c’halon. Meulomp.

Ar Baotret.

Eus a galon hac a c’hinou
Glorifiomp oll an Autrou
Eveus ê oll madelezou. Meulomp.


Ar Merc’het.

Nep en deveus bet hor c’hrouet
Hirio en deis zo en effet
En hor c’halonou disquennet. Meulomp.

Ar Baotret.

Ravisset bras eo hon ene
Dre bresanç an Divinite
A Jesus-Christ, guir Vab Doue. Meulomp.

Ar Merc’het.

N'ouffemp quet birviquen miret,
Na zeuemp à galon da garet
Nep so tout deomp en em roet. Meulomp.

Ar Baotret.

Ni zo brêmâ meurbet eürus,
P’hon eus recevet, va Jesus,
Ho corf hac ho coad precius. Meulomp.

Ar Merc’het.

Ni a gred ferm, ô va Doue !
E ma ennomp ho Majeste,
Ho corf, ho coad hac hoc’h ene. Meulomp.

Ar Baotret.

O va Jesus ! ni ho suppli,
Na zeuit quet d’hon abandoni :
Chomit bepret d’hor c’hundui. Meulomp.

Ar Merc’het.

P’hon eus hyrio ho recevet
Na bermetit hor be nepret
Nep seurt attach evit ar bed. Meulomp.

Ar Baotret.

C’hui, va Jesus, eo a garomp,
Ennoc’h hepquen ec’h esperomp,
Ha netra quen ne zeziromp. Meulomp.


Ar Merc’het.

Na bermetit eta pelloc’h
E vemp separet diouzoc’h,
Rac hon oll fizianç zo ennoc’h. Meulomp.

Ar Baotret.

Offr a reomp deoc’h, Salver ar bed,
Hor c’horf, hor c’halon, hor speret,
Evit ho servicha bepret. Meulomp.

Ar Merc’het.

E pep leac’h, e peb amzer,
Gant ho craç pelloc’h, va Zalver,
Ni vezo fidel d’hon dever. Meulomp.

Ar Baotret.

Renonç a reomp d’an drouc-speret,
D’ar c’hic revoltet ha d’ar bed,
Ha dreist peb tra da bep pec’het. Meulomp.

Ar Merc’het.

Plijet guaneoc’h hon asista,
Ma talc’himp mad d’hor promessa
Queit ha ma vezimp er bed-ma. Meulomp.

Ar Baotret.

Rac-se, va Jesus, ni c’houlen
N’a roit quen desir deomp biquen
Nemet da heulia ho lezen. Meulomp.

Ar Merc’het.

Pa zomp ac’hanoc’h ramplisset,
Na bermetit e vemp nepret
A gorf nac à ene souillet. Meulomp.

Ar Baotret.

Ni ho ped, dre ho madeles,
Accordit deomp hed hor bues
Feis, Esperanç ha Carantes. Meulomp.


Ar Merc’het.

Grit ma vezo hor c’halonou
Purifiet dious ar viçou,
Hac ambomet à vertuziou. Meulomp.

Ar Baotret.

Ô Tad Eternel, hor C’hrouer !
Pa mân ennomp hon Redempteur,
Grit ma êr meulimp gant ferveur. Meulomp.

Ar Merc’het.

O Guerc’hes glorius Vari !
Trugarecaït, ni no suppli,
Ho Mab Jesus evidomp-ni. Meulomp.

Ar Baotret.

Hor Paëron, hon Eal-Gardien,
Meulit evidomp da viquen
Jesus, hon Autrou souveren. Meulomp.

Ar Merc’het.

En em adressomp-ni ive
D’an oll Zent ha d’an oll Æles,
Evit cana oll assambles : Meulomp.

Ar Baotret.

Ra viot, va Jesus, meulet
Gant quement den zo var ar bed,
Ha ra vezo partout canet : Meulomp.

Ar Merc’het.

Grit ma teuimp da bratica
Quement zo requis èr bed-mâ
Evit bepret gallout cana : Meulomp.

Ar Baotret.

Autrou Sant, hor guir patron,
Accordit ho proteccion
Da re ho ped à vir galon. Meulomp.


Tout assembles.

Grit ma finisso hor bues,
O vervel èn ho carantes,
Ma zaimp oll d’ho rouanteles. Meulomp.