Buhez ar Sent/1837/Yan Doue

Eus Wikimammenn
Sauter à la navigation Sauter à la recherche
◄   Thomas Aquin Yan Doue Francesa   ►


An eisvet devez a viz Meurs.


SANT YAN DOUE.


————



Ar Sant-mâ, ganet e Portugal, ha mab da un artisan paour, en em lequeas da servicha var ar mæs. Queit a ma chomas er stad-se e conservas e innocanç ; mæs o veza deut da squya, en em angageas soudard. Ar goal exempl a velas etouez e gamaradet a reas dezâ souden coueza en un disurz bras. Doue a bermetas ne gavas er stad-se nemet poan, trubuill ha malher var malher. Quemense a reas dezàn en em aznaont ; hac o santout un desir bras da ober pinigen, e reas ur Goession general, gant cals a c’hlac’har. Neuse, o veza bet e gonge, en em lequeas da verza Imaichou, hac e tigouezas evel-se er guær a Grenad.

Goude beza distribuet eno d’ar brisonerien quement mad en devoa, e reas e oll bossubl evit lacaat an oll d’e zisprigeout, en hevelep fæçoun ma voe quemeret evit un den disquiantet, ha ma voe lequeet en hospital destinet evit ar re foll. E Zirector santel, o veza difennet ountâ en em gomporti muy evel-se, e oboissas hac e chomas er memes hospital evit servicha an dud affliget. Ar garantez dreist-ordinal a bratique en o andret, hac e exemplou caër a vertuz a reas souden e aznaout evit ar pez e voa en effet.

Dre ar c’hestou a reas, ha dre an alusennou a recevas digant an dud carantezus, e teuas a-benn da sevel, er memes quær evit an dud clàn, un hospital-all, ar c’haera a alze da velet. Eno e vige occupet nos-dez o servicha ar re glàn, o scuba o c’hamprou, oc’h ober o gueleou, o pansi o gouliou, oc’h o c’honsoli hac o proculi dezo an oll sicourou spirituel ha corporel, gant un urz admirabl.

Ar brud anezàn a reas da gals a dud devot dont d’e gaout evit servicha ar beaurien eveldàn. Evel-se e coumanças an urz santel eus a Religiuset ar Charite, hanvet ar breudeur Hospitalerien.

Par yee an den santel-mâ da guestal evit e beaurien, ar santelez pehini a remerquer en e gomsou hac en e fæçoun da c’houlen an alusen, a ree d’an oll e respeti. Ho pezit carantez evidoc’h oc’h-unant, emezan ; grit vad deoc’h hoc’h-unan ; chetu e pe fæçoun e c’houtenne.

Peguer bras bennâc e voa e labour, e cousque var ar c’halet ; pep Guener e yune divar bara ha dour, querzet a ree diarc’hen, hac e benn bepret disolo dindan ar glao hac ar frim.

An tan o veza croguet en Hospital, an Den santel, heb en em droubli, a redas dre an oll gamprou ; douguen a eureu un nombr bras eus ar re glàn var e guein ; teul a reas ar gueleou e meas dre ar prenestrou, ha, goude beza baleet epad un hanter-heur etouez ar flammou pere a voa horrubl hac a gresque bepret, e sortias ac’hano dre c’hraç Doue heb drouc ebet.

Erfin, o veza Gouezet clàn, e recevas ar Sacramanchou diveza gant ur fervor pehini a douichas calonou an oll. Pa santas e tostee e dernien, en em viscas hac e savas eus e vele ; hac o veza en em lequeet var e zaoulin, en ur vriata e Grucify pehini a voasque etre e zivrec’h hac e galon, e rentas e Ene d’e Salver. Goude ma voe maro, e talc’has bepret ar Grucify etre e zivrec’h, hac e chommas var e zaoulin, quen a zeuzer da-benn c’huec’h heur d’e sebelia, goude ma voa bet countantet devotion oll dud Quær, pere a ziredas evit guelet un dra quen admirabl ha quen touichant.

Mervel a eureu er bloaz 1550, d’an oad a bemp bloaz hac hanter-cant.

REFLEXION.

Ar Sant-mâ a gare quement an humiliationou ma reas van da veza disquiantet, evit ma vize dispriget gant an oll. Descomp gantàn da viana da receo gant patiantet hac a galon vad an humiliationou a zigouez gueneomp. Clascomp an istim a Zoue, ha ne raïmp van ebel pe ny a vezo istimet, pe ny a vezo dispriget gant an dud.

Eil Reflexion. Goude beza baleet un hanter heur etouez ar flammou evit savetei ar beaurien clàn hac o gueleou, e sortias heb drouc ebet. Pebes sicour, pebes assistanç na dleer quet da esperout pa labourer evit Doue, ha pa lequeer e fizianç ennàn ?

Trede Reflexion. Pa c’houlenne ar Sant-mâ an alusen evit e beaurien, e lavare d’an dud : ho pezit carantez evidoc’h oc’h unan ; grit vad deoc’h oc’h-unan. Leveromp ive deomp hon-unan ar memes tra, pa roomp an alusen ; songeomp ha credomp penaus e guirionez e reomp muy a vad deomp hon-unan evit na reomp d’ar paour ; rac evit madou temporel a roomp, ec’h acquisitomp madou eternel.