Barzhaz Breizh/1883/Emzivadez Lannion

Eus Wikimammenn

Oberennoù damheñvel pe handelvoù all zo ivez, gwelout Emzivadez Lannuon.

Didier et Cie, 1883  (p. 322-325)



EMZIVADEZ LANNION
− IES TREGER −


I

Er bloavez-ma mil c’houec’h kant pevar-ugent-trizek,
Er gerig a Lannion zo eur gwalleur c’houarvet ;


Er gerig a Lannion enn eunn hostaliri,
Da Berinaik Mignon a oe matez enn hi.

— Aozet d’omp-ni, hostizez, peb tra evit koanian
Stlipo fresk, ha kik rostet, ha gwin mad da evan ! —

P’ho doe debret hag evet peb hini leiz he ler :
— Setu arc’hant, hostizez, kontet blank ha diner ;

Setu arc’hant, hostizez, kontet blank ha diner ;
Ho matez gand eul letern, da zont d’hon c’has d’ar ger ! —

Pa oant-hi war ann hent braz eur pennadik mad eet,
Eur gomz kuz warbenn ar plac’h tre-n-he oa bet laret.

— Plac’hik koant, ho tentigo, ho tal hag ho tiou-jod,
A zo gwenn evel ton ar c’hoummo, war ann od.

— Maltoterien, me ho ped, em lezet evel on,
Evel laket gand Doue, laket gand Doue on ;

Ha pa venn kant gwech braoc’h, ia, kant gwech braoc’h c’hoaz,
Na venn ’vid hoc’h, otronez, na venn na well na was.

— Hervez ho komzo mignon, va merc’hik, me a gred,
Em hoc’h bet gand re Vegar, pe gand kloer desket ;


Hervez ho komzo mignon, va merc’hik, me a gret,
D’ar govant o tiski preek gand menec’h em hoc’h bet.

— D’ar govant o tiski preeg e Begar n’em on bet,
Na ken nebeut e leac’h all, avad, gand kloarek ’bed ;

Hogen, ebarz em zi-me ha war oaled va zad,
Em euz gret, va otronez, bep seurt mennozio mad.

— Tolet aze ho letern, ha c’houeet ho koulo ;
Setu’r ialc’h leun a arc’hant, ma hoc’h euz c’hoant, he po.

— Ne ket me eo’r femelen, a ve dre ruio ker,
O kemeret daouzek blank ha c’hoaz triouec’h tiner !

Me meuz da vreur ur beleg er ger a Lannion ;
Mar klefe pez a leret, rannafe he galon.

Me ho ped, maltoterien, pezet ar vadelez,
D’am zeurel e-kreiz ar mor kent eit kement c’hloez !

Me ho ped, ma otronez, kent eit kement c’hlac’har,
Kemeret ar vadelez, d’am lakat beo enn douar. —

Perinan doe eur vestrez karget a vadelez
A jomaz war ann oaled da c’hortoz he matez,


A jomaz war ann oaled, heb kemeret paouez,
Ken a zonaz ann diou heur, diou heur kent hag ann dez.

— Savet ta, tra dibreder, savet ta, senesal,
Da vont da zikour eur plac’h, enn he goad o neuial. —

E kichen kroaz Sant-Josef oa bet kavet maro ;
He letern enn he c’hichen, ha beo he goulo.



\score {
  \version "2.18.2"
  \relative c'{
    \clef treble
    \key c \major
    \tempo \markup {\italic Religioso.}
    \autoBeamOff
    \time 6/8
    \partial 8*1
    e8 a4 c8 b d c | a4 c8 b4 a8 | \break
    gis[ a] b a4 e8 | a4 c8 b d c | \break
    a4 c8 b4 a8 | gis[ a] b a4 a8 | b4 e8 d e c | \break
    b4 a8 b4 e8 | d4 c8 b4 b16[ c] | \break
    d4 b8 e a, a | g4 c8 b4 a8 | g[ a] b a4. \bar "|."
  }
  \addlyrics {
    Er bloa -- vez -- ma mil c’houec’h kant pe -- var
    u -- gent -- tri -- zek, Er bloa -- vez -- ma mil c’houec’h
    kant pe -- var u -- gent -- tri -- zek, Er ge -- rig a Lan -- ni --
    on zo eur gwall -- eur c’houar -- vet; Er
    ge -- rig a Lan -- ni -- on zo eur gwall -- eur c’houar -- vet.
  }
  \layout { line-width = #123 }
  \midi { }
}
\header { tagline = ##f }