Ar gwir vro

Eus Wikimammenn
Mont d’ar merdeerezh Mont d’ar c’hlask
D. Derrien, 1902  (p. 32)



AR GWIR VRO
————



Ebarz er palez kaer el leac’h m’ema brema
Ene va mignounez euruz da-viken,
Na me garfe gallout tanva, da vihana,
Euz he levenez braz eul lodennik ebken !

Med, siouaz ! kaer em euz en em glemm ha gouela,
Chadennet e chomann e prizoun-kik ann den,
Heb gallout d’am ene, skuiz gant buez ar bed-ma,
Digeri braz ann or a gas d’ar sklerijenn.

O ! perak ne deu ket ann dervez-se kentoc’h,
Dervez kaer ar maro, da zigas d’in ar peoc’h
Hag ann euruzted, e bro va c’harantez ?

E bed ar verzerien, ia, paour keaz emzivad,
Te gollo da-viken anken ha kalounad,
Das klac’har a vezo distroet e levenez.


————