Antretien etre Jesus hac ar Vugale

Eus Wikimammenn
Sauter à la navigation Sauter à la recherche
J.-B. Lefournier, 1836  (p. 145-151)



ANTRETIEN ETRE JESUS HAC AR VUGALE,
ÈR GUENTA COMMUNION.


Jesus.


Me m’eus preparet eur Banquet,
Ar preciussa zo er bed,
Evit rêi d'am oll bugale,
Va c’horf, va goad ha va ene.

Ar Vugale.

C’houi zo meurbet, ô va Jesus !
En hon andret carantezus,
Evit beza deomp preparet
Hirio an deiz ur seurt Banquet.

Jesus.

Pell bras so e m’aoun o repos
Er sacramant eus ho cortos ;

Setu brema deut an termen
Ma em c'hafot à dra certen.

Ar Vugale.

Allas ! Siouas, ne gredpmp quet
Dont d’ho receo, Salver ar bed ;
Ne doump nemet corrupcion,
Carguet à imperfeccion.

Jesus.

M’ar emoc’h e pec’het marvel,
Ne zeut quet d’am Banquet santel
Hep caout quenta remission
Dre voyen ar Gonfession.

Ar Vugale.

Ni hon eus, gant ur guir regret,
Hon oll pec’hejou côvesset,
Hac anezo bet pinigen,
Induljanç, pardoun, absolven.

Jesus.

Deut prest età, deut d’ar Banquet
Am eus evidoc’h preparet :
M’ho ped, na zaleït quet re hir
Da satisfia d’am dezir.

Ar Vugale.

Biscoas ni n’hor boa meritet
Beza ganeoc’h consideret,
Evit dont bremâ d’hor guervel
Da vont oll d’ho Panquet Santel.

Jesus.

C’houi, bugaligou, a glaskan,
Deoc'h-hu ez-oun necesserran ;
Biscoas c’hui n’oc’h eus recevet
Ar pez am eus deoc’h preparet.


Ar Vugale.

Siouas, siouas, petra rimp-ni ?
Ne doump quet din eus ho couvi ;
Mæs pa fell deoc’h, Salver ar bed,
Ni ho recevo gant respet.

Jesus.

Abars dont da gommunia,
Goulennit pardoun da guenta
Ouc’h quement oc’h eus offancet,
Ho Tad, ho Mam, na vanquit quet.

Ar Vugale.

Ouzoc’h, Jesus, e c’houlennomp
Ar guir pardoun a zeziromp
Eus à guement hon eus clêvet,
Grêt, na sounget, pe lavaret.


Jesus.

Dre’r garantes am eus ouzoc’h,
Ne refusin quet ac’hanoc'’h :
Grit un Act a Gontricion
Bremâ eus à greis ho calon.

Ar Vugale.

A greis hor c’haloun ni hon eus
Ur guir glac’har hac ur guir gueus
D’ho peza, siouas, offancet,
Biscoas, hor Zalver benniguet.

Jesus.

Pa oc’h eus quement à regret
D’am beza biscoas offancet.
Me bardoun deoc’h, Bugaligou,
Me bardoun deoc’h hoc’h offançou.

Ar Vugale.

Ni bardoun ive en effet
D’ar re o deus hon offancet,

Hac a c'houlen ive pardoun
Ous tad ha mam à vir galoun.

Jesus.

Clêvit oll, tadou ha mammou,
Selaouit ho pugaligou
Prosternet amâ dirazoc’h
O c’houlen pardoun diganeoc’h

Ar Vugale.

Pardoun, va mam, pardoun, va zad,
Ni a so bugale ingrat ;
Elec’h ober ho plijadur,
Ni zo het, siouas, dinatur.

Jesus.

Ho pugale so glac’haret
D’ho peza, siouas, offancet ;
Grit ur sell à drues outo,
Ha roït bremâ pardoun dezo ;

Ar Vugale.

Ni ho suppli, va mam, va zad,
Hon recevit en ho craç vad :
Ni bromet deoc’h a dra certen
Ho carimp guell hivisiquen.

Jesus.

Pardounit, tadou ha mammou ;
Pardounit ho pugaligou ;
Me o deus muya offancet,
Hac am eus dezo pardounet.

Ar Vugale.

Ne refusit quet ac’hanomp ;
Jesus er goulen evidomp :
Abars mont d’ar gommunion,
Roït deomp ho penediccion.


Jesus.

Amâ ne deu na mam na tad
Hac a gare refus ho goad ;
Gant eur joa vras en ho c’halon
E roïnt ho benediccion.

Ar Vugale.

Ni zo ive ravisset bras,
P’on eus gallet antren è graç,
Hac a c’houlen bremâ ive
Pardoun an eil ous eguile.

Jesus.

Nep so deut d’en em offansi
A zo ret dezo pardouni,
Hac ober satisfaccion
An eil d’eguile à vir galon.

Ar Vugale.

Mar hon eus-ni desobliget,
An eil eguile guech ebet,
A vir galoun e pardounomp
An eil d’eguile ac’hanomp.

Jesus.

Ha brêma p’oc’h eus goulennet
Ar remission d’ho pec’het,
Hac ouzin-me mêmès pardon,
Tostaït ous ar gommunion.

Ar Vugale.

Allas ! siouas, ne domp qet din
E tisquennac’h en hor peultrin :
Dre ho comz hepquen, va Douë,
E rentoc’h salo hon êne.

Jesus.

Bugale, en em breparet,
Ho piledou caër alumet,

Ma quemerin possession
Brêma souden en ho calon.

Ar Vugale.

Ni ho recevo, va Zalver
Pa gourc’hemennet deomp ober ;
Ni ho lojo en hor c’halon
Dre voyen ar gommunion.

Jesus.

Aboue m’e crouet ar bed-mâ,
Edon o c’hortos quement-mâ,
Hac oun disquennet eus an êe
Evit repos en hoc’h ene.

Ar Vugale.

Piou a ouffe, hep e garet,
Clêvet Jesus o lavaret
Ez eo disquennet eus ê dron
Evit repos èn hor c’halon ?

Jesus.

Va bugale, dre ho caret,
Me am eus bet instituet
Ar Sacramant eus an Auter,
D’en em rei deoc’h è peb amzer.

Ar Vugale.

Beza e zoc’h è guiriones
Ur guir Tad leun à garantes,
Pa zoc’h deomp en em roet
Er Sacramant-se da voued.

Jesus.

Me zo deoc’h un tad debonêr,
O chom bepret en ho qevêr,
Hac o laquat va blijadur
O chom er bed-mâ d’ho mêzur.


Ar Vugale.

Fournissit, dre ho madeles,
Hon oll ezomou deomp bemdes.
Ha grit ma c’hallimp ho caret
Gant an Ælez en eürusdet.

Jesus.

Observit va Gourc’hemennou,
Ar Goueliou bers hac ar Suliou,
Ha m'ho craï eürus da jamès
Er barados gant an Æles.

Ar Vugale.

Evit gallout fidel miret
Ho Courc’hemennou het-a-het,
Accordit deomp ar vertuziou
Evit trêc’hi an oll viçou.

Jesus.

C’houi, Bugaligou, so santet,
Hac eus à c’hraçoü ramplisset,
Templou ouc’h d’ar Speret-Santel,
Bugale d’an Tad Eternel.

Ar Vugale.

O va Jesus, dre ho comzou
Ravisset bras eo hor c’halonou,
Pa livirit deomp oc’h-unan
Ez omp templou d’ar Speret-Glan.