An Deliou en diskar-amzer

Gloada ar Prad

Mouez Reier Plougastell

René PRUD’HOMME, 1905  (p. 84-85)

XI

AN DELIOU EN DISKAR-AMZER

——

Da Fanch Guivarc’h.

Deliou ar gwez melenet oll
A nij pa c’houez an avel foll ;
Lavaret vefe eneou
Deuet da c’houlen hor pedennou....

Nag hi oa koant n’euz ket pell c’hoaz
Oc’h ar skourrou gand ho liou glaz !

Hirio, siouaz ! int dislivet,
Ha dindan treid an oll breset.

Tud yaouank, kemerit kentel
Gand an deliou seac’h o vervel :
« Iec’hed, gened a dremeno,
« Abarz nemeur c’houi a varvo !… »

Er bloaz a zeu deliou nevez
A zavo adarre er gwez ;
Goude breinadurez ar bez
Ni zavo ive d’ar vuez.

————