Ag er soign ag er-ré clan ha marhue

Eus Wikimammenn
Sauter à la navigation Sauter à la recherche


CHAPISTR PUARZECVET.


Ag er soign ag er-ré clan ha marhue.

1.°
A PE vou clan unan-benac ag er verdér, er Supérior pé Supériorés e yeï pé e gassou unan ag er verdér d’er visitein, d’er bihannan ur uéh peb suhun ; int en avertissou de govessat abret ha de receu en Eutru Doué, ha mar dé peur, int en assistou guet argant en assamblé.

2.° Mar da a merhuel, avertisset e vou er verdér ag el léh ma vou marhue, hac int e assistou ér pedenneu, én Overen hac én interremant.

3.° Er verdér e zou Bêlean e larou un Overen eit er marhue unan-benac ag en eih dé goudé. Er-ré e ouair er Psautier e larou hantér-hant psalm ; er-ré ne ouzant quet leine e larou hantér-hant Pater noster hac Ave Maria, hac e larou ér fin a bep-unan Requiem æternam.

4.° Open int e reï laret peb plai tair Overen eit salvedigueah er verdér bihue ha marhue. Er-ré e ouair er Psautier el larou tout ur uéh ér blai én intantion-zé, hac er-ré n’er gouyant quet e larou cant Pater noster hac Ave Maria, hac e larou arlerh peb-unan Requiem æternam.

Explication.

Er verdér, a pe chomeint clan e reï avertissein er Supérior pé Supériorés, eit ma veint visitet én ou hlinhuet, hac accouraget de dennein pourfit a nehou, d’hum breparein de receu er Sacremanteu a Benigen hac ag en Autær, ha de vout resinet de volante Doué. Int e avertissou ehué er Person, hac er pedou de zonnet de uélet er hlan, eit en accouragein, dré gonsolationeu spïrituel, hac er sacremantein.

Er Supérior pé Supériorés e avertissou er verdér tost de visitein liès er hlan, mar guellant, hemb bout reï gênet, ha d’en assistein revé er horf hac en inean, hac é spécial d’hum gavoued ér gambr a pe vou degasset er Sacremant, peb-unan guet ur pilet allumet.

Eit rein guel exampl, int e yeï d’en Ilis irrauc er Belêg, e héliou er Sacremant deu ha deu, revé ou rang hac ou oaid, hac e rei er memb tra a pe retournou er Sacremant d’en Ilis.

Int e zeli ehué hum gavoued é cambr er hlan a pé vou nouyet, eit joéntein ou fedenneu doh ré en Ilis eit é salvedigueah. Int en avertissou de guemér é tuniq, ma n’en dès hi gusquet a guênt, eit gouni en induljanceu accordet d’er-ré e varhue guet en habit.

A pe vou én agoni, é spécial ma n’en dès er hlan tud dehou ar é dro, é vou deu pé tri ag er verdér ag en urh perpet é tehæt-ou, é pedein Doué d’obér misericord dehou, hac eit gobér dehou pé dehi gouni en induljanceu pléniér en dès reit er Pab Sixt IV ha Paul V d’er verdér e brononçou a vêg, pé ahoel a galon, en hanhue sacret a Jésus.

Er verdér e assistou én interremant, hac er-ré n’assistou quet e larou office er-ré treménet, Gospereu ha Matinézeu. Hac er-ré ne ouair quet leine assès e larou é léh hantér-hant Psalm, hantér-hant Pater noster, etc. guet Requiem æternam arlerh peb-unan. Int e assistou én Overenn e vou laret é Ilis ur gongrégation eit er marhue, hac e gommuniou hannont pé é léh aral eit-ou, hac er Bêlean ag en Urh a benigen e larou un Overen unan ag en eih dé goudé.

Er Sacristin pé Sacristinés e scrihuou hanhueu er-ré varhue ha de begource é mant marhuet, hac en Tad Directour ou recommandou d’er pedenneu é quement assamblé e vou durand er blai.