Adlennet eo bet ar bajenn-mañ
— Lamomp ar sparl ha digoromp,
Daoust peger braz spontet ma-z-omp !…
Ha sin ar groaz enn hor c’herc’hen !…
Deuit pa gerot, marc’heien…
— « Salut d’it, kastel ma zadou,
Evel eur paour out enn druillou,
Ha me, Koatmen az kar bepred
Vel ar mesaer he zenved !!…
E kreiz da borz zo eur wezen,
Eur wezen aval pe beren ;
Gwechall me a wele aman
Avalou houarn ha mein tan.
Peleac’h e man da ganoliou
Sell, goullo eo ho gweleou !!!
War a welann n’out netra ken
Nemet eunn harp d’ann illaouen.
Mar karann mont er porz enor
E kavann digor frank ann or ;
Mein ruil a stokann aliez,
Euz ma dillad e stag ann drez.
