Alo, mat eo din paouez da c’hwitellat, pe am bo trouz adarre... (Kato a zeu tre, laouen-meurbet).
’C’hanta, va faotr ?... ne oa ket gwall zruz da verenn hiziv, met gortoz, emberr c raimp amañ un tamm pred mat. (Chom a ra Gwilho gant e c’henou digor-bras da sellout ouzh e wreg, ha goude en em laka da furchal e c’hodelloù) Ur chimikenn ac’h eus ezhomm, Gwilho ?... Dal ’ta, mabig, dal ’ta !... Marteze ec’h out skuizh ?... Azez war ar gador-mañ, va faotr kaezh !... (Souezhet-mik, Gwilho ne denn lagad ebet diwar Gato). Ur bannac’h kafe ne rafe ket a zroug dit, hañ ?
Me n’em eus tanfoeltr ezhomm a gafe...
Ur bannac’h likur neuze ?... ur bannac’h ili-dant ?...
Tañvaet em eus anezhañ dija...
’C’hanta, va faotr, ne vi ket mezv ma kemerez ur bannac’h all... (mont a ra er-maez).