Adlennet eo bet ar bajenn-mañ
31
AN DIV ZREMM
AR VAMM
Ar c’hleñved a zebr ar skevent.
MALO
Va Doue ! va Doue ! (Ur pennad digomz). Ne oa ket klañv miz ’zo !
AR VAMM
Ne oa ket klañv c’hoazh, marteze, betek nozvezh an Tan. Peurliesañ, siwazh, an dud yaouank ne vezont ket klañv pell amzer !
MALO
Mamm !
AR VAMM
Va faour kaezh Malo ! Gwenola Pavek, hag hi a zo bet pell war he gwele ?
MALO
Rozen Pavek klañv ! Rozen Pavek klañv evel he c’hoar ! Klañv da vervel, marteze ! N’eo ket gwir, mamm. Ne c’hell ket bezañ gwir !... Piv en deus lavaret deoc’h ?
AR VAMM
Ne vern... selaouit !
(Klevout a reer pazañ er-maez).
MALO (torret e nerzh)
Mantrus !
(Pazañ a glever adarre).
Rozen Pavek klañv... va fried !
AR VAMM (oc’h aspediñ, a vouezh izel)
Malo... Setu-hi o tont en-dro ! Malo, daoust ma ka-
