Adlennet eo bet ar bajenn-mañ
19
AN DIV ZREMM
MARIA
Erfin, echu eo bremañ !
AR VAMM
Echu eo, ya I
MARIA
Hag e zaouarn, hag a oa bet ken gouliet ?
AR VAMM
Echu eo... Kreñv e vo evel gwechall, daoust dezhañ, evit ar mare, bezañ gwanoc’h eget ur bugel... erfin, echu eo... Echu eo da vat.
MARIA (o sellout ouzh ar gwele goullo).
Krediñ a raen e oa hennezh gwele Malo ?
AR VAMM
E wele eo, ya !
MARIA
Penaos, savet eo Malo Drean, hag aet da vale ?
AR VAMM
Aet eo da glask er-maez an heol nevez. Met gortozit-eñ ganin. Skuizhañ ’ray buan, ’m eus aon, ha ne zaleo ket da zont en-dro.
Azezit ouzh an tan... tostait, Maria.
MARIA
Ne zaleo ket sur... pe souezhet e vefen, rak kriz eo an amzer evit ur paotr bet klañv. Ken kriz hag evit ar re gozh. (Tostaat a ra ouzh an tan).
