a ra war va zeod. Me ’garfe sevel va daouarn. Met
sellit, derc’hel a ’ra va divrec’h !
Piv, Fostus ?
Mefistofelez ! Aotrounez, gwerzhet em eus va ene dezhañ, hag ac’hano e teue va holl c’halloud !
Doue ra viro !
Doue ra viro, ya ! Met Fostus en deus graet an torfed-se. Evit kaout plijadur e-pad pevar bloaz warn-ugent em eus kollet ar blijadur hag al levenez a bad bepred. Skrivet em eus ul lizher, sinet gant va gwad. Echu eo ! Deut eo ar c’houlz merket, hag emañ o tont d’am c’herc’hat.
Perak n’hoc’h eus ket komzet dimp a-raok ? Amzer hor bije bet da bediñ.
Alies em eus soñjet hen ober. Met an diaoul a ginnige drailhañ va c’horf kement gwech ma venegen anv Doue. Ha bremañ eo re ziwezhat. It kuit, aotrounez, gant aon na varvfec’h ivez.
Petra ne rafemp ket evit saveteiñ Fostus ?
Na gomzit ket ac’hanon. It kuit, va mignoned kaezh.
