hac an officou quen louen
Davy so hoantec cloarec bras
dre vn gracc diuin quen dinoas
e quen couls goas ne guelas den
Aman ez chimiff ne griff quen
gant desquebl germen so den mat
en enesen languen vvmendi
e jmmy en vng studi mat
eguit pidiff doe dereat
ha len leiffriou mat a grat plen
Da miret oz an pechedou
auber an vertuziou louen
Me eo Paulin dre vn sin teminet
dre barr auel collet hel ma guelet
dall ha goallet abaffet ezedou
a het decc bloaz goaz oz goaz eza diff
ne gallet quet ne pret ma remediff
ha hiruoudif, nichif pan deu dif coff
Ne sourci glan nep vnan ahanoff
maz of priuet an guelet ha gret doff
me men approff am be me nep rouez
amen pidy hep muy ma disquiblion
maz rohent y ho benediction
hac oreson gant reson guirionez.
Bugale mat dre au stat a badez
