Parrez Skrignak, war da vene,
Parrez beniget gant Doue,
Brudet vo ’n eureud a herie.
Ugent koter emeaz ’an ti
Ebars an ær o vogedi
’Vel pa vefe dek ’timezi !
Mar ’man brema hon zadiou
Astennet ’bars ar berejou,
N’eo ket maro o c’hoz giziou.
Dleout a ra o ine skan,
Ebars an ær ken glan breman,
’Uz d’hon fenn tarnijal aman.
Skiltruz, ar c’hleier, er beure,
’Deuz karillonet evite,
Hag arruet int hep dale.
Zon ’ra bombard ha binïou,
Leun eo ar park gand an taoliou !
En Breiz-Izel, kaera lidou !
— Warc’hoaz ’vo klevet, a gredan,
« An holl Varzed a zo aman
« En Breiz hag en Gall o kanan,
« O kana da veuleudiou,
« Skrignak, hag ho re, priejou,
« Rak herie, oh ! gwella skoueriou !
