Adlennet eo bet ar bajenn-mañ
XI
MELINEREZ PONTARO.
(Ies Kerne-huel.)
E Bannalek zo ’r pardon kaer
Lec’h ia’r merc’hed koant gad al laer.
Ha ma mel a drei,
Diga-diga-di,
Ha ! ma meil a ia
Diga-diga-da.
Eno e weler ar botred,
Gand he kezek braz ha sternet,
Hag ho zokou a zo bluniet,
Evit dirollo ar merc’hed.
Guillaouik kromm zo glac’haret,
Hi Fantik koant en deuz kollet.
— Kemenerik, ’nem gonfortet,
Ho Fantik koant a vo kaet.
Ma du-ze e mel Pontaro,
Ar baron iaouang ar hi zro.
— Tok, tok, tok ! o meliner,
Digas ma dous Fantik d’ar ger !
— N’em euz gwelet ho tous Fanchon,
Nemed eur wech mel ar baron ;
Eur wech aman e-tal ar pont,
Eur rozennig ar he c’halon,
