Pajenn:Soniou Feiz ha Breiz, 1930.djvu/58

— 56 —

VI

« Ar rozenn bet ker fresk a zizec’h war he bod :
« Pennherez Kerbendrez a zisliv ruz he jod.

VII

« Eurus ! o ya ! eurus an neb a varv yaouank !
« War e vez e vernier ar bleuniou stank-ha-stank.

VIII

« Eurus eo ar werc’hez a dremen ’vel ar roz,
« He c’houez glan ouz he heul a bign d’ar Baradoz !

IX

Hag an eostig gant herr a dec’has dirazon,
En eur gana sioulik diweza poz e zon.

X

Pennherez Kerbendrez a varvas antronoz.
Tremen a reas-hi ’vel ma tremen ar roz.

XI

An eostig a ganas e kichen ar feunteun :
« Gant an nevez-amzer eo e tremen ar bleun,

XII

« Me wel d’ar Baradoz o pignat gand ar skeul
« Eur vleunennig tener, hag he c’houez vat d’he heul.

Eostig Kerineg.

————