Ur person a eskopti Guened e lar kenavo d'e bobl e amzer er Revolusion

Eus Wikimammenn
Sauter à la navigation Sauter à la recherche
◄   Moéz er botour koed Ur person a eskopti Guéned e lar kenavo d'é bobl é amzér er Révolusion Lézen en aposta   ►



UR PERSON A ESKOPTI GUÉNED
E lar kenavo d’é bobl é amzér er Révolusion.


————


Les partitions musicales sont temporairement désactivées.


Disul é oen én ovren bred, on (ter)
Chif ha glahar em boé guélet.
 
M’em boé guélet chif ha glahar,
Ia sur mar dès bet ar en doar.
 
Er Person, bar én devizeu,
E laras d’emb fal zouéréieu :

« Mem bugalé, cheleuet mat,
Rekis e vou d’ein hou kuittat.

« Hou kuittat eit mont de véz-bro,
Ha d’oh é laran kenavo.

« Tud fal, tud kri, tud didalvé
E ven gobér brezel de Zoué :

« Ha groeit ou dès ur hourhemen
Énep de Zoué ha d’é lézen.
 
« É peb bro, é peb eskopti
É vennant ma sentér doh-t-hi.

« Sentet doh-t-hi nemb e garou,
Ataú ne vou ket mé e vou.

« Guèl é get-n-ein merúel mil guéh
Aveit treissein men Doué ur huéh.

« Mem bugalé dalhet fidel
De Zoué ha d’é lezen santel.


« Dalhet ataú ar hou kreden
Ha héliet peb gourhemen.

« Me bedou aveid oh bamdé ;
O aveid-on pedet eúé.

« Pedamb aveit ma tei er bèh
Én Ilis hag ér Rantelèh.

II

El sen é konzas hum Person,
Get ankin vras én é galon.

Ha doh er bobl el mé konzé,
Ol, kouh ha iouank, e ouilé.

Kri a galon sur vehé bet
E neb n’en devehé ouilet.

O péh un amzér maleurus,
Eid omb-ni ken diskonfortus !

Piú e zevérou er ré klan
Pe n’en dès mui a véléan !

Piú e larou en overen,
E ziskou d’emb er guir lézen,

E ziskou d’emb er guir lézen,
Hag e rei d’emb en asolven ;

E vadéou er vugalé,
E hrei gobér ou fask dehé !

Piú e hrei en èrèdenneu,
E venigou er béieu !

Men Doué, men Doué hou pet truhé,
Truhé doh hou kèh bugalé !

Eit hun sekour d’arriu én Ean,
Dakoret t’emb hun béléan ;

Hun béléan dakoret t’emb.
Ha lausket ind berpet get-n-emb !


————